२– साउन,
भिम भुसाल
नवलपुरको देवचुली नगरपालिका क्षेत्रका अधिकांश सडकको बिचमा नै बिजुलीका पोल हुदा सवारी दुर्घटनाको जोखिम बढेको छ । पिच हुने अवस्थामा रहेका र पिच बनि सकेका अधिकाँश सडकको बिचमा नै बिजुलीको पोल हुदा जोखिम बढेको हो ।
नगरपालिकाको प्रगतिनगर, धारापानि, कुनाघाट, केउरेनी, रजहर लगाएतका अधिकांश सडकको बिच भागमा नै बिजुलीका पोलहरु रहेका छन् । जसले गर्दा सवारी सञ्चालनमा कठिनाई हुनुका साथै दुर्घटनाको जोखिमलाई बढाएको छ ।
बिना योजना पक्कि पिच बनिसकेका सडकमा रहेका केहि पोलहरु बिधुत्त कार्यालयले हटाउदा पनि सडकमा समस्या देखिएको छ । देवचुली २ को चौधरी उधोग पछाडी हालसालै निमार्ण भएको बाटोमा रहेको बिजुलीको पोल उक्काउदा समेत सडक भासिएको छ । भासिएको सडकलाई नगरपालिकाले मर्मत गरेता पनि स्थानियले गुणस्तरहिन काम भएको आरोप लगाएका छन् ।
नगरपालिकाले बिजुली, टेलिफोन, खानेपानि लगाएतका पोल तथा पाईपहरुको अवस्था नै नहेरी पक्कि बाटो निमार्ण गर्न बजेट पास गर्दिदा एउटै बाटोमा पटक पटक बजेट छुट्याउनुपर्ने अवस्थाको सिर्जना भएको छ ।
स्थानियले नगरपालिकाको कामप्रती असन्तुष्टि जनाउदै गर्दा नगरपालिका भने बिद्युक्त प्राधिकरणलाई दोषी देखाउदै आएको छ । नगरपालिकाले सडकमा रहेका बिजुलीका पोल तथा तारलाई ब्यवस्थित बनाउन पटक पटक बिद्युक्त प्राधिकरणसँग आग्रह गरेता पनी बिद्युक्त प्राधिकरणले बेवास्ता गरेको देवचुली नगरपालिका प्रमुख प्रसासकिय अधिकृत विष्णुप्रसाद भुसालले गुनासो गर्नुभयो ।
सडक पिच गर्नुअघि नै हटाउनु पर्ने पोलहरु विद्युत प्राधिकरण र परियोजना तथा नगरपालिकाबीच समन्वय नहुँदा पिच भएको लामो समय भईसक्दा पनि हटइएका छैनन् ।
पोल भएको सडकमा सवारी चलाउन समस्या त छँदैछ, ती पोलहरु तत्काल नहटाए कुनैपनि बेला अझ ठूलो दुर्घटना निम्तिन सक्ने सवारी चालकहरु बताउँछन् । ठूलो दूर्घटनाको अत्यन्त जोखिम लिएर बसेका ती पोलहरु सार्नका लागि न ठेकेदार कम्पनी तातेको छ, न त विद्युत प्राधिकरण नै ।
