भिम भुसाल
दलदले । पुर्बि नवलपरासीको देवचुली नगरपालीकामा वडा अध्यक्षको निर्देशनमान नै अबैध खोला दोहन भएको छ । सरकारले बर्खाका तीन महिना असार, साउन र भदौमा नदीजन्य पदार्थ उत्खनन्मा निषेध गरेको छ। तर उक्त्त नियमलाई ध्वजी उडाउदै देवचुली नगरपालीका ६ का वडा अध्यक्षको निर्देशनमा नै अबैध खोला दोहन भएको हो ।
देवचुली नगरपालिका –६ बौलाहा खोलाबाट अवैध रुपमा ढुङ्गाा ओसारपोसार गर्दै गर्दा वडा अध्यक्षको निर्देशनमा दोहन भएको भेटिएको हो । देवचुली नगरपालिका वडा नम्बर ६ वडा अध्यक्ष मिन बहादुर सोतीले वडा कार्यालय निमार्ण गर्न भन्दै नगरपालिकालाई जानकारी नै नदिएर २५ टिप ढुङ्गा खोलाबाट उठाउन डोको कन्ट्रक्सनलाई निर्देशन दिएका छन् । प्रति टिप १५ सय रुपैयाका दरले डोको कन्ट्रक्सनले खोलाको ढुङ्गाा उठाउने वडा कार्यालयसँग सहमति गरेको छ । मंगलवार कन्ट्रक्सनले ३ टिप ढुङ्गा उठाईसकेको र बुधवार विहानको समयमा रा १ त ३७११ नम्बरको ट्रयाक्टरमा ढुङ्गा लोड गर्दै गर्दा देवचुली ट्रयाक्टर ब्यवसायीले नियन्त्रणमा लिएर कारवाहीका लागी नगरपालिकालाई बुझाएका छन् ।
राज्यले असारदेखि भदौसम्म नदीबाट ढुंगा, गिट्टी बालुवा झिक्न रोक लगाएको समयमा वडाअध्यक्षले अवैध रुपमा ढुंगा ओसार पोसार गर्न लगाएको ट्रयाक्टर ब्यवसायीले आरोप लगाएका छन् ।
आरोपित वडाअध्यक्ष सोतीले भने स्थानियको सहजताको लागी वडा कार्यालय निमार्ण गर्न टोलसुधार समितिमा निर्णय गरी ढुंगा उठाईएको बताए । पावर संदेशसँग कुरा गर्दै वडाअध्यक्ष सोतीले खोलाको ढुंगा उठाउने विषयमा भने नगरपालिकालाई जानकारी नगराएको स्विकार गरे ।
