देवचुलीमा हिरोको बृहत रक्तदान कार्यक्रम सम्पन्न

भिम भुसाल, देबचुली ।
देवचुली नगरपालिका–१३ दलदलेमा हिरो सोरुम कावासोती र दलदलेले बृहत रक्तदान कार्यक्रम सम्पन्न गरेको छ । आईबार मध्यविन्दु अटो सेल्स एण्ड सर्भिसेज कावासोती र डि एण्ड डि अटो सेल्स, दलदलेको मुख्य आयोजनामा बृहत रत्तदान कार्यक्रम सम्पन्न भएको हो ।
रक्त सञ्चार केन्द भरतपुरको प्राविधिक सहयोगमा भएको रक्तदान कार्यक्रमा ६७ ब्यक्तिहरुले रक्तदान गरेका छन् । ६३ पुरुष र ४ महिलाले कार्यक्रममा रक्तदान गरेका हुन् ।

मध्यविन्दु अटो सेल्स एण्ड सर्भिसेजका संस्थापक सदस्य चोक नारायण भुसालको अध्यक्षता रहेको रक्तदान कार्यक्रममा संस्थाका संस्थापक सदश्य पदम तिवारीले रक्तदान गर्दै कार्यक्रमको समुद्घाटन गर्नुभएको थियो । कार्यक्रममा बोल्दै सदश्य भुसालले रक्तदान कार्यक्रमले गर्दा रगतको अभावमा अकालमै ज्यान गुमाउनु पर्ने समस्याको समाधान गर्न सहयोग पुग्ने बताउनुभएको छ । पछिल्लो समय रेडक्रस सोसाईटिले मात्रै रक्तदान कार्यक्रम गर्नुपर्छ भन्ने मानसिकतालाई चिर्दै विभिन्न संघसंस्थाहरुले आयोजना गर्ने रक्तदान कार्यक्रम जिवन रक्षाको लागी महत्वपूर्ण सावित भएको छ । दलदलेमा आयोजित रक्तदान कार्यक्रममा कावासोती हिरो सोरुमका सेल्स मेनेजर जगत भुसाल र दलदले हिरो सोरुमका संस्थापक सदश्य जिवन श्रेष्ठको प्रमुख सकृयता रहेको थियो ।
नेपाल रेडक्रस सोसाईटी उपशाखा, कावासोती, देवचुली नगरपालिका, देवचुली उद्योग वाणिज्य संघ लगाएतका १३ संघ संस्थाको सह आयोजनामा रक्तदान कार्यक्रम सम्पन्न भएको हो ।