सहकारीको एकिकरण पश्चात शेयर सदस्यले सेवा पाएनन्

देवचुली ।

देवचुली १० मा अवस्थित पृथ्वी बचत तथा ऋण सहकारी संस्था लिमिटेड र देवचुली –१५ स्थित नवप्रगति बचत तथा ऋण सहकारी संस्था लिमिटेडको गत श्रावण १८ गते एकिकरण भए पछि दुवै संस्थाका शेयर सदस्य सेवा विस्तार हुनेमा खुसी थिए । तर यिनको खुसी भने लामो समय टिक्न सकेन । संस्थाको कारोबार एकिकरण गर्ने भनि यहि भाद्र ६ गतेदेखि कारोबार बन्द रहेको नवप्रगति पृथ्वी बचत तथा ऋण सहकारी संस्था लिमिटेडको पृथ्वी सेवा केन्द्रमा, शेयर सदस्यको रकम निकाल्न असहज भएको र समयमा किस्ता र व्याज पनि नबुझिएको साविक पृथ्वी बचत तथा ऋण सहकारी संस्था लि. दिएको छ ।

जसले गर्दा शेयर सदस्यहरुलाई समस्या परेको गुनासो आएको छ । गत श्रावण १८ गते ४ वटा संस्थाको एकिकरण भए पश्चात मानसिङ खत्रीको नेतृत्वमा चयन भएको समितिले भाद्र ६ गतेदेखि आज सम्म पनि पृथ्वी सेवा केन्द्रमा रहेका शेयर सदस्यहरुको सेवा र सुविधा बञ्चित गराएको छ भने सदस्यहरुले विभिन्न खातामा जम्मा गरेको रकम पनि सजिलै झिक्न पाएका छैनन् । यसै सन्दर्भमा पृथ्वी सेवा केन्द्रमा दैनिकी कारोबार गर्ने भनि आउने सदस्यहरुलाई कारोबार एकिकृत हुदैछ र सिस्टम परिवर्तन हुदैछ भनि फर्काउन बाध्य परेको कर्मचारी बताउँछन । संस्था एकिकरण पश्चात सरल र सहज हुने समितिले भनेतापनि अहिले भने सदस्यहरुलाई मर्का परेको देखिएको छ । “हामीलाई कहिलेसम्म कारोबार गर्न नपाईने हो घर, गुहस्थी चलाउन मुस्किल भइसक्यो” एक सदस्यको भनाई छ ।