दलदले बजारलाई स्मार्ट बनाउदै देवचुली नगरपालिका

भिम भुसाल,
देवचुली ।
देवचुली नगरपालिकाको मुख्य शहरको रुपमा हेरीने दलदले बजार अब स्मार्ट बन्ने भएको छ । बुधवार बहु–सरोकारवालाहरु सँग अन्र्तकृया गर्दै नगरपालिकाले दलदले बजारलाई स्मार्ट सिटिको रुपमा बिकास गर्ने जनाएको हो ।
स्मार्ट सिटिको रुपमा बिकास गर्न आवश्यक पर्ने बजार ब्यवस्थापन, अनुगमन, फोहोर ब्यवस्थापन, पार्किङ्, ट्राफिक ब्यवस्थापन, भवन निमार्ण मापदण्ड तथा संहिता र ग्रिन एंव क्लिन दलदले निमार्णको विषयमा नगरपालिकाले बहु–सरोकारवालाहरुसँग अन्र्तकृया गरेको छ ।
दलदले बजारलाई स्मार्ट बनाउन बजारमा देखिएको कुरुपतालाई हटाउदै सडक तथा नालि निमार्ण, पसलमा मूल्य सूचि, यातायातमा निश्चित भाडा दर, बजारमा हरियाली निमार्ण गर्न स्थानियले सुझाव दिएका छन् । मुख्य गरी फोहोरमैला ब्यवस्थापनको विषयमा स्थानियलाई चेतना हुदा हुदै पनि लापरबाही गरीएको भन्दै फोहोरमा कर लगाउन पनि अन्र्तकृयामा उपस्थित स्थानियले नगरपालिकालाई सुझाव दिएका छन् ।

दलदले बजारमा रहेका ब्यवसाय मध्ये ३०–४० प्रतिशत ब्यवसाय बिना दर्ता सञ्चालनमा रहेको भन्दै त्यसलाई हटाउने कार्यमा देवचुली उद्योग वाणिज्य संघ सकृय बन्ने संघका अध्यक्ष रेशमलाल सापकोटाले जानकारी दिनुभयो । हार्ट बजारलाई दिर्घकालिन ब्यवस्थापन गर्न, नगरभित्र रहेका उद्योग ब्यवसायलाई नियमन गर्न तथा उपभोत्ता संरक्षण ऐनमा ध्यान दिन सकेमा देवचुली नगरपालिकालाई सुन्दर नमुना नगरपालिकाको रुपमा परिणत गर्न सकिने बोल्ने बक्ताहरुले सुझाव दिएका छन् ।
स्मार्ट सिटिको रुपमा दलदले बजारलाई सबैले देख्न चाहेको भन्दै कार्यक्रममा उपस्थित ब्यक्तिहरुले साथ र सहयोग दिने प्रतिबद्धता ब्यक्त गरेका छन् ।

देवचुली नगरपालिका प्रमुख पुर्णकुमार श्रेष्ठको अध्यक्षता रहेको अन्र्तकृया कार्यक्रममा उप प्रमुख पार्वता तिवारी, प्रमुख प्रशासकिय अधिकृत विष्णु प्रसाद भुसाल, विभिन्न वडाका वडा प्रमुख, सुरक्षा निकाय, बजार ब्यवस्थापन समिती, देवचुली उद्योग वाणिज्य, आमा समुह, युवा क्लव, टोल सुधार समिती, अटो ब्यवसाय समती लगाएतको सहभागिता रहेको थियो ।