आजदेखि पाँचवर्ष सम्मका बालबालिकालाई भिटामिन ए र जुकाको औषधि खुवाउँदै

कार्तिक २–

पाँच वर्ष मुनीका बालबालिकालाई आज (शनिबार) भिटामिन ए र जुकाको औषधि खुवाउँदै छ ।

सरकारले शनिबार र आइतबार दुई दिन ६ महिनादेखि र पाँच वर्ष मुनिका बच्चा भिटामिन ए र जुकाको औषधि खुवाउन लागेको हो । प्रदेश तथा स्थानीय तहसँग मिलेर राष्ट्रिय भिटामिन ए कार्यक्रम सञ्चालन गरेको स्वास्थ्य तथा जनसंख्या मन्त्रालयले बालबालिकाहरुलाई भिटामिन ए र जुकाको औषधि खुवाउन लागेको हो । नजिकको खोप केन्द्र वा वडा कार्यालयमा स्वास्थ्य स्वयंसेविकाहरुले भिटामिन ए र जुकाको औषधि खुवाउँछन् । शनिबार खान छुटेकाहरुलाई आइतबार खुवाइने छ । स्वास्थ्य स्वयंसेविकाहरुले छ महिनादेखि पाँच वर्षसम्मका बालबालिकाको पोषण स्थिति जाँच गर्न ‘एमयूएसी’ टेपबाट पाखुराको नाप लिने छन् ।

भिटामिन ए कार्यक्रमका लागि सबै स्थानीय तहमा कार्यरत ५० हजारभन्दा बढी महिला स्वास्थ्य स्वयंसेविका र स्वास्थ्यकर्मी परिचालित छन् ।