साईवर अपराध न्युनिकरणमा बालबालिकाहरुको महत्वपूर्ण भुमिका हुने : सरोकारवालाहरु

दिपक शर्मा, देवचुली ।

पछिल्लो समयमा अनलाईनबाट हुने हिंसा र दृव्र्यवहारहरु बढेको सन्दर्भमा यसको न्युनिकरणमा बालबालिकाहरुको भुमिका महत्वपूर्ण हुने कुरा देवचुलीका सरोकारवालाहरुले बताएका छन् ।

जागृति बाल तथा युवा सरोकार नेपालद्धारा सञ्चालन गरिएको किशोरी शसक्तिकरण कार्यक्रम अन्तर्गतका किशोरीहरुले सो बारेमा तालिम लिई सकेपछी समुदायस्तरमा र विद्यालयस्तरमा सो को बारेमा जानकारी दिनको लागि आज देवचुली नगरपालिका वडा नं.. ४ को शान्ति सृजना आधारभुत विद्यालयमा सञ्चालित कार्यक्रममा उपस्थित सरोकारवालाहरुले बताएका हुन ।

बालबालिकाहरुले जानेका विषयहरु घरमा लगेर आफ्ना अभिभावकहरुलाई भन्नुपर्ने र सो न्युनिकरणमा अभियानकर्ताको रुपमा सन्देशहरु प्रवाहको लागि वडा नंं. ४ का वडा अध्यक्ष गिर बहादुर थापा क्षेत्रीले बताउनुभयो । यस्ता खालका कार्यक्रमहरुले किशोरकिशोरीको क्षमता विकासमा सहयोग पुग्ने भएकोले समेत वडाबाट समेत सहयोग गर्ने उहाँको प्रतिबद्धता रहेको छ ।

देवचुली नगरपालिका बालमैत्री नगरको रुपमा घोषणा भएको छ, तैपनी अझै केही बालविवाह, हिंसा, श्रमका घटनाहरु सुन्ने गरेको र सो को न्युनिकरणमा समेत बालबालिकाहरु र किशोरकिशोरीहरुले सचेतनामुलक कार्यक्रम सञ्चालनमा सवैको जोड रहेको थियो । सो कार्यक्रममा विद्यालयका ५० भन्दा बढी किशोरकिशोरीहरुको उपस्थिती रहेको थियो । सो कार्यक्रमको सहजिकरण किशोरीहरु चन्चला डुम्रे र लक्ष्मी चापागाई तथा जागृति बाल तथा युवा सरोकार नेपालका सवित पंगेनीले गर्नुभएको थियो ।