सतुआही नाकामा सशस्त्र प्रहरी र स्थानीयबीच झडप; दश राउन्ड हवाई फायर, दुई  प्रहरी  घाइते

कात्तिक ३०,बारा ।
बाराको सिम्रौनगढ नगरपालिका-७, सतुआही नाकामा शुक्रबार राति छोकडा बरामद गर्ने क्रममा सशस्त्र प्रहरी र स्थानीयबीच झडप भएको छ । झडपका क्रममा सशस्त्र प्रहरीले दश राउन्ड हवाई फायर गरेको छ ।
अवैध रुपमा भारततर्फ लैजाँदै गरेको छोकडा बरामद गर्ने क्रममा झडप भएको हो । सशस्त्र प्रहरीले बरामद गरेको छोकडा पर्सा टोलका स्थानीयबासीले खोसेर लगेपछि झडपको स्थिति सिर्जना भएको थियो । सशस्त्र प्रहरीको टोलीमाथि आक्रमण गरेपछ हवाई फायर गर्नु परेको सशस्त्र प्रहरी बल १२ नम्बर गणका प्रमुख सशस्त्र प्रहरी उपरीक्षक प्रकाश थापाले जानकारी गराउनु भयो ।
झडपका क्रममा दुई जना सशस्त्र प्रहरी जवान घाइते भएका छन् ।