चितवन ।
चितवनको भरतपुरमा बम बिस्फोट भएको छ ।
यही मंसिर १४ गते हुन लागिरहेको उपनिर्वाचनको संघारमा निर्वाचन हुन लागिरहेको भरतपुर वडा नं. १६ मा एकाबिहानै सिलिन्डर बम बिस्फोट भएको हो ।
बम बिस्फोट फुर्तीचोकदेखि वडा कार्यालय जाने सडक खण्डको खेतमा भएको हो । बिस्फोटबाट कुनै क्षति भएको छैन ।
बिहान करिब साढे ३ बजेको समयतिर ठूलो आवाजले बिस्फोट भएपछि स्थानीयहरु त्रसित बनेका थिए ।
बम कसले बिस्फोट गराएको हो भने खुल्न सकेको छैन । बिस्फोट भएको खेतमा टायरका टुक्रा र सिलिण्डरका टुक्राहरु भेटिएका छन् ।
यता, चितवन प्रहरीले भने कुनै बिस्फोट नभएको दाबी गरेको छ ।
