‘म शुद्द कुलमान हो उनकै योजनामा छु’: बिद्युत्त बचावट अभियानकर्ता सुवेदी

पोखरा । 
सडक बत्ति समयमै बालौँ समयमै निभाऔ अभियानका अभियानकर्ता भोलानाथ सुवेदीले बिद्युक्त प्राधिकरण प्रमुख कुलमान घिसिङकै योजनामा आफू रहेको बताउनुभएको छ । पोखरा, चितवन लगाएतका देशका विभिन्न स्थान तथा जिल्लामा बिद्युत्त चुहावट बन्द गर्न सकृयताका साथ दाहाल सडक–सडकमा हिड्ने गरेका छन् ।
सडकहरुमा अनावश्यक बत्ति बलेको देख्नासाथ दाहाल हत्त न पत्त निभाउन तम्सन्छन् । उनलाई कसैले खटाएर यो काम गरिहेका भने होइनन् । उनको काम पनि होइन यो । तर समाज र देशका लागि केही गर्नुपर्छ भन्ने हुटहुटीले उनी यो स्वेच्छिक समाजसेवी कर्ममा जुटेकै छन् अचेल । भोलाको जीवन सिद्धान्त पनि गज्जबको छ । उनी भन्छन्, बाबुआमा नै भगवान हुन् यो पृथ्वी नै स्वर्ग हो । सडक बत्ती समयैमा बालौं, समयमा निभाऔं अभियान पोखरा ।

२०७३ सालदेखि भोला सडक बत्तिको अनावश्यक प्रयोगका विरुद्ध अभियान नै लिएर सडकमा निस्किए । आफ्नो फेसबुकमा लेखेको यही नारा अनुसार आफ्नो व्यस्त दैनिकी वीच दिनको चारघण्टा सडकमा बालिएका बत्ती समयमा नै निभाए ननिभाएको निरीक्षण गर्छन् भोला सुवेदी । उनि भन्छन् सबै ब्यक्तिले दिनको ४ घण्टा समाज र देशको लागी समय दिने हो भने देश विकासमा कत्ति पनि समय लाग्दैन । सुवेदीका विचारमा विद्युत चुहावट रोक्ने हो भने जताभावी अनावश्यक विद्युत खेर फाल्नु पनि हुँदैन । उनी न त विद्युतका कर्मचारी हुन्, न त कुनै सरकारी कर्मचारी । बरु स्वेच्छाले अनावश्यक विद्युत दुरुपयोग रोक्न स्वतस्फूर्त जागेका एक जागरुक युवा हुन् ।
आफूले विद्युत चुहावट विरुद्ध दिनको ४ घण्टा समय दिँदा पनि सेवाशुल्क पनि तिर्ने गरेको बताए । देश छ पो हामी छौं भन्दै सुवेदीले देशका लागि आफूले जति सकिन्छ, त्यति नै आआफ्नो ठाउँबाट सकेको योगदान गर्नुपर्नेमा जोड दिए । उनी नेपाललाई लोडसेडिङमुक्त पार्ने नेपाल विद्युत प्राधिकारणका कार्यकारी निर्देशक कुलमान घिसिङबाट निकै प्रभावित भएर यो कर्ममा लागेका हुन् । उनी विद्युत उत्पादन गर्नु जत्तिकै फारु गरेर चलाउनु वा खेर नफाल्नु पनि महत्वपूर्ण भएको बताउँछन् । हरेक मान्छेको सिकाई र भोगाईका फरक फरक पृष्ठभूमि हुन्छन् । सन् २००७ देखि २०१२ सम्म भोला वैदेशिक रोजगारीका लागि इजरायलमा थिए । त्यहाँ उनले काम गर्ने दाम कमाउने मात्रै गरेनन् । आफ्नो देश र परिवेशको महत्व पनि बुझे । उनी जब देश फर्किए तब देशका लागि आफूले जे सकिन्छ, त्यही गर्ने तम्सिए र, सुरु गरे जताभावी सडक बत्ती बाल्न नदिने, विद्युत चोरी रोक्ने र विद्युतको सही उपयोग गर्ने, गराउने अभियानमा । अहिले त उनको अभियानले लामै फड्को मारेको छ । स्थानीय पनि उनको कर्मलाई साथ दिन्छन् । प्रचारात्मक वा प्रतिकात्मक मात्रै होईन, आफैं व्यवहारमा उत्रेर काम गरेपछि स्थानीयले पनि उनलाई पत्याएका छन् । उनको कामलाई साथ पनि दिएका छन् ।
उनले नगरपालिकालाई ज्ञापन दिने र सचेतना फैलाउने अन्य काम पनि बराबर गरिरहेका छन् । कामना गरौं भोलाको जस्तै सत्कर्म गर्न समाजका अरु क्षेत्रका युवा जनलाई पनि प्रेरणा र उत्साह थपियोस् । भोलाको यो असल कर्मले विद्युत चुहावट रोक्नमा सधैं होस्टेमा हैंसे गरिरहोस् । साधुवाद भोला सुवेदीको असल कर्मलाई ।