भिम भुसाल नवलपुर ।
बिगत केही दिन देखि बढेको चिसोले जनजिवन प्रभावित भइरहेको समयमा समुदाय प्रहरी साझेदारी कार्यक्रम अन्तरगत जिल्लाको विभिन्न स्थानमा आगो ताप्ने ब्यवस्था मिलाईएको छ ।
समुदाय प्रहरी साझेदारी कार्यक्रम अन्तरगत जिल्ला प्रहरी कार्यालय नवलपुरले जिल्लाका बिभिन्न स्थानमा आगो बालेर सर्वसाधारणहरुलाई आगो ताप्ने ब्यबस्था मिलाएको छ । आम नागरीकहरुलाई न्यानोको अनुभुती गराउन जिल्ला प्रहरी कार्यालय नवलपुरले कावासोतीको फलफुल चोक, सभापती चोक, थकाली चोक र थाना चोक तथा विनयी त्रिवेणी गाउपालिकाको दुम्कीवास क्षेत्रमा दाउरा बाली सर्व साधरणहरुलाई न्यानोको प्रत्याभुती दिलाईएको छ ।
त्यस्तै कार्यालयले जिल्लाका अन्य ईलाका तथा अस्थाई पोष्टहरुलाई पनि स्थानीय चोक तथा ग्रामिण ईलाकाहरुमा आगो बालेर ताप्ने ब्यबस्था मिलाउने भनी निर्देशन दिएको छ । प्रहरी कार्यालयहरुले स्थानीय तहसंगको समन्वयमा बिभिन्न स्थानमा आगो बालेर ताप्ने ब्यबस्था मिलाउन भनि निर्देशन दिएको जिल्ला प्रहरी कार्यालय नवलपुरले जानकारी दिएको छ ।
चिसो बढेसँगै तराईका विभिन्न जिल्लामा आगो बालेर ताप्ने ब्यबस्था मिलाईएको छ।