देवचुलीको जन ज्योतीमा चोरी, टिभि देखि तन्ना सम्म चोरे

भिम भुसाल, देवचुली ।
देवचुली नगरपालिकाको जनज्योती माध्यमिक विद्यालयमा गएराती चोरी भएको छ । देवचुली नगरपालिका १५ मा रहेको जनज्योती माध्यमिक विद्यालयको प्राईमरी ब्लकमा चोरी भएको हो ।

विद्यालयको कार्यालय भवन र प्राईमरी कक्षाकोठा फुटाएर, भवन भित्र रहेको ३२ ईन्चको टिभि, साउण्ड बक्स, बिद्यार्थि बस्ने गरेको तन्ना चोरी हुदा करिव ३५ हजार बरावरको बिद्यालयमा क्षति पुगेको विद्यालयका सहायक शिक्षक खिमलाल सापकोटाले बताउनुभयो । घटनाबारे अस्थाई प्रहरी चौकि दलदलेले अनुसन्धान र दोषिको खोजी गरीरहेको पोष्ट प्रमुख अर्जुन रानाले जानकारी दिनुभयो ।

विद्यालयलाई यस क्षेत्रबाट हटाउन खोजिरहेका केहि खराव नियत भएका ब्यक्तिहरुले चोरी गरेको हुन सक्ने विद्यालयले अनुमान लगाएको छ ।
गत वर्ष पनि सोहि बिद्यालयमा कम्प्युटर सहित केहि शैक्षिक सामाग्री चोरी भएको थियो ।