१५–पौष, देवचुली ।
जन जाग्रीत युवा क्लव , देवचुली ९ विशालटारको आयोजनामा २५ औँ जिल्ला स्तरीय खुल्ला पुरुष भलिबल प्रतियोगिता शुरु भएको छ । मंगलबार घुमाउरी पिकनिक स्पट परिसरको खेलमैदानमा जिल्ला स्तरीय पुरुष भलिबल प्रतियोगिता शुरु भएको हो ।
प्रतियोगिताको उद्घाटन समारोहमा क्लवका अध्यक्ष कृष्ण बहादुर आलेको अध्यक्षता रहेको थियो भने देवचुली नगरपालिका प्रमुख पूर्णकुमार श्रेष्ठको प्रमुख आतिथ्यता रहेको थियो ।
कार्यक्रममा जिल्ला खेलकुद विकास समितिका अध्यक्ष विकास खड्का, वडा नम्बर ९ वडाध्यक्ष मेखबहादुर थापा सारु मगर, क्लवका संस्थापक अध्यक्ष एवं देवचुली–९ का वडा सदस्य टेक बहादुर गाहा साथै खेलप्रेमी ब्यक्तिहरुको उपस्थितिमा खेलको उद्घाटन गरीएको हो ।
खेलमा प्रथम हुने समुहलाई पुरस्कार स्वरुप ५० हजार रुपैया, मेडल र प्रमाणपत्र , द्वितीय हुने समुहलाई २५ हजार रुपैयाँ, मेडल, प्रमाणपत्र र सेमिफाइनलमा प्रवेश गर्ने दुई टिमलाई ७ हजार ५०० रुपैया, मेडल तथा प्रमाणपत्र प्रदान गरिने आयोजक जनजाग्रीत युवा क्लवले जानकारी दिएको छ।
आज भएको पहिलो खेलमा रोजिना सुनचाँदी पसल , देवचुली –१३ र आयोजक टिम बिच भएको खेलमा रोजिना सुनचाँदी पसलले जित हाँसिल गरेको छ।
