बिहानको चट्याङमा ५ घाइते एक चौपायको मृत्यु

बाँके -पुस १८ ।

शुक्रबार बिहान परेको चट्याङका कारण बाँकेमा पाँचजना घाइते भएका छन् भने चट्याङ लागेर एक चौपायको मृत्यु भएको छ ।
जिल्ला प्रहरी कार्यालय बाँकेका प्रहरी प्रमुख तथा प्रहरी उपरीक्षक बीरबहादुर ओलीले दिएको जानकारी अनुसार शुक्रबार बिहान करिव ४स्४५ बजेतिर नेपालगञ्ज–१३ महापुरवाका ५४ वर्षिय गुरुदिन खटिकको घरमा चट्याङ पर्दा गुरुदिनसहित एकै परिवारका पाँच जना घाइते भएका हुन ।
चट्याङ लागेर ५५ वर्षिया श्यामकला खटिक, ४५ वर्षिय, राजितराम खटिक, १८ वर्षिय रामरुप खटिक, र ४ बर्षिय सुबी खटिक घाइते भएको र उनीहरु सबैको भेरी अस्पताल नेपालगञ्जमा उपचार भईरहेको प्रहरीले जनाएको छ ।
चट्याङ लागेर गुरुदिनको घरमा पालेरको बंगुर मरेको प्रहरीले जनाएको छ ।