नवलपुर ।
नयॉं बेलाहानी महिला बचत तथा ऋण सहकारी सस्थाले शुक्रवार युवा ताथा साना व्यवसायी कोषको पहिलो किस्ता लगानी विषयमा एक दिने अभिमुखिकरण कार्यक्रम सम्पन्न गरेको छ । नेपाल सरकार युवा तथा खेलकुद मन्त्रालय युवा तथा साना व्यवसायी स्वरोजगार कोषको थोक कर्जा निकासा तथा लगानिको विषयमा एक दिने अभिमुखिकरण कार्यक्रम सम्पन्न गरेको हो ।
कार्यक्रमका प्रमुख अतिथी एंव मुख्य प्रशिक्षक जिल्ला संयोजन तथा अनुगमन समिति नवलपरासीका सदस्य सचिव प्रितम भुजेलले साना ब्यवसायी स्वरोजगार कोषको पहिलो किस्ता वापतको २५ लाख रकम निकासा संगसंगै कर्जा लगानीको विषयमा कार्यक्रममा सहभागि महिला उद्यमीहरुलाई प्रशिक्षण दिनुभएको थियो ।
नेपाल सरकारले उपलब्ध गराउने रकमलाई सहि ठाउमा लगानी गरी आर्थिक समृद्धिमा लाग्न समेत भुजेलले आग्रह गर्नुभएको थियो । त्यसैगरी विशेष अतिथी समेत रहनुभएका मध्यविन्दु नगरपालिका वडा नं १२ का वडा अध्यक्ष कुल बहादुर गुरुङ् ले सहकारी र सहकारीताको मर्मलाइ सवैले बुझ्नुपर्ने भन्दै कोषको लगानी नगरपालिकामा स्वागत योग्य भएको र सो को नियमन र अनुगमनमा आवश्यक परेमा नगरपालिका पनि सहयोग गर्न तत्पर र तयार रहेको भन्दै कर्जा प्राप्त गरी व्यवसाय संचालन गर्न लागिरहेका स्वरोजगार ऋणीहरुलाइ सफल उधमी बनेर देखाउन शुभकामना व्यक्त गर्नुभएको थियो ।
संस्थाकि अध्यक्ष शोभा जि।सी को अध्यक्षता रहेको कार्यक्रमको संचालन व्यवस्थापक माया बस्याल ले गर्नु भएको थियो भने स्वागत मन्तव्य संस्थाकी कोषाध्यक्ष लक्ष्मी काफ्ले ले राख्नु भएको थियो ।
