भिम भुसाल, देवचुली ।
देवचुली नगरपालिका वडा नम्बर ९ का स्थानियले अब आफ्नै वडाबाट सेवा पाउने भएका छन् । बुधवार वडा कार्यालयको समुद्घाटन भएपश्चात अब स्थानियले आफ्नै घरगाऊँमा नै सरकारी सेवा प्राप्त गर्ने भएका हुन् । देवचुली नगरपालिका वडा नम्बर ९ का वडाअध्यक्ष मेख बहादुर सारु मगरको अध्यक्षता तथा देवचुली नगरपालिका प्रमुख पूर्णकुमार श्रेष्ठको प्रमुख आतिथ्यतामा वडा कार्यालयको समुद्घाटन तथा सेवा शुभारम्भ भएको छ ।
सिँहदरबारको अधिकार गाऊँ–गाऊँ पुर्याउने सरकारको निति अनुरुप आफ्नै वडामा वडाकार्यालय निमार्ण गरि सेवा शुभारम्भ गरिएको हो । जग्गा दाता चोक नारायण भुसाल, सुनिल पौडेल, तुलसी पौडेल र देवराज पौडेलले प्रदान गर्नु भएको एक कठ्ठा क्षेत्रफलमा वडा कार्यालय निमार्ण गरि आजदेखि सेवा शुभारम्भ गरिएको छ । कार्यक्रममा बोल्दै नगरप्रमुख एंव कार्यक्रमका विशेष अतिथि पार्वता तिवारीले सिँहदरबारको अधिकारलाई साढे दुई बर्षमा गाऊँ सम्म पुर्याउन सकिएको बताउनुभएको छ । वडा अझैँपनि सिँचाई, बिजुली, खानेपानी, पक्किबाटोको समस्या रहेको बताउदै जनताको आधारभुर आवश्यकता पुरा गर्न स्थानिय सरकार सकृय रुपमा काम गरिरहेको बताउनुभयो ।
कार्यक्रमका विशेष अतिथि एंव देवचुली नगरपालिका प्रमुख प्रशासकिय अधिकृत विष्णुप्रसाद भुसालले वडा नम्बर ९ प्राकृतिक, साँस्कृतिक र पर्यटकिय क्षेत्रको रुपमा अन्य वडाको तुलनामा अगाडि रहेको बताउनुभएको छ । विभिन्न जातजातिको बसोवास, पिकनिक स्पोर्ट, फरक फरक धार्मिक आस्थावान ब्यक्तिहरुको परम्परा र संस्कृतिले वडालाई छुट्टै पहिचानको रुपमा स्थापित गर्न सफल भएको बताउनुभएको हो ।
कार्यक्रमका प्रमुख अतिथि एंव देवचुली नगरपालिका प्रमुख पूर्णकुमार श्रेष्ठले देवचुली नगरपालिकाको १७ ओटै वडामा वडा कार्यालय बन्ने र ७ ओटा वडा कार्यालय निमार्ण सम्पन्न भएर समुद्घाटनको तयारी अवस्थामा रहेको बताउनुभयो । नगरभित्रका हरेक नागरिकलाई सहज रुपमा सेवा सुबिधा उपलब्ध गराउन सम्पूर्ण वडाहरु सकृय रहने प्रतिबद्धता समेत ब्यक्त गर्नुभएको छ ।
कार्यक्रममा बोल्ने बक्ताहरुले अब जनता सेवा सुविधालिन टाढा जानुपर्ने समस्याको अन्त्य भएको भन्दै खुशी ब्यक्त गरेका छन् । कार्यक्रममा जग्गा प्रदानगर्ने जग्गादाताहरु, नगरप्रमुख पूर्णकुमार श्रेष्ठ, उप–प्रमुख पार्वता तिवारी, प्रमुख प्रशासकिय अधिकृत विष्णुप्रसाद भुसाल, नगरप्रवक्ता एंव वडा नं. १३ अध्यक्ष क्याप्टेन डिलबहादुर खत्री, प्रगतिनगर खानेपानि तथा सरसफाई उपभोक्ता समिति अध्यक्ष खिमानन्द भुसाल लगाएतका ब्यक्तिहरुलाई सम्मान गरिएको थियो । कार्यक्रममा भजन, झ्याउरे, नचाल लगाएतका सास्कृतिक झाँकि समेत प्रस्तुत गरिएको थियो ।
देवचुली नगरपालिका वडा नम्बर ९ का वडा अध्यक्ष मेख बहादुर सारु मगरको अध्यक्षता तथा देवचुली नगरपालिका प्रमुख पूर्णकुमार श्रेष्ठको प्रमुख आतिथ्यता रहेको वडा समुद्घाटन कार्यक्रममा उप–प्रमुख पार्वता तिवारी, प्रमुख प्रशासकिय अधिकृत विष्णुप्रसाद भुसाल, नगरप्रवक्ता एंव वडा नं. १३ अध्यक्ष क्याप्टेन डिलबहादुर खत्री, सम्पूर्ण वडाका वडा अध्यक्ष, नगरकार्यपालिका सदश्य, विभिन्न संघसंस्थाका प्रमुख एंव प्रतिनिधि तथा वडाबासीको सहभागिता रहेको थियो ।
