भिम भुसाल, देवचुली ।
पुर्बि नवलपरासीको देवचुली नगरपालिका वडा नं. १० को वडा कार्यालय भवनको आज (आईतबार) शिलन्यास भएको छ । एक कार्यक्रमका बिच देवचुली १० वडा अध्यक्ष केशर आले मगर र जिल्ला समन्वय समिति सदश्य एंव वडा सदश्य खिमा सारुले संयुक्त रुपमा सिलान्यास गर्नुभएको हो ।
भवन शिलन्यास कार्यक्रममा बोल्दै वडा अध्यक्ष आलेले वडा कार्यालयबाट दिने सेवा नया बन्ने भवनबाट अझ प्रभावकारी रुपमा दिन सहज हुने बताउनुभयो । सम्पूर्ण वडाबासिलाई मध्यनजर गर्दै तत्कालिन प्रगतिनगर गाउ पञ्चायतको जग्गामा भवनको शिलन्यास गरिएको अध्यक्ष आलेले बताउनुभयो । आफ्नै कार्यकालमा १० नम्बर वडालाइ आर्थिक समृद्दि र बिकाशको अनुभुती गराउन आफु क्रियाशिल रहने आलेले बताउनुभयो ।
अहिले वडा कार्यालय बन्ने कित्ता नम्बर ३ क ९१ मा तत्कालिन गाउ पञ्चायतको नाममा करिब ४ विगाहा क्षेत्रफल रहेको छ तर केहि स्थानियले उक्त जग्गा उपभोग गर्दै आईरहेका छन् ।
दिवा ईन्जिनियरीङ् प्रा. ली. ले असार मसान्त सम्म काम सक्ने गरि २२ लाखको लागतमा वडा कार्यालय भवनको ठेक्का लिएको छ । २ कठ्ठा क्षेत्रफल रहेको वडा कार्यालयको भवन ५ कोठाको बन्ने छ । देवचुली नगरपालिकाका सम्पूर्ण वडा कार्यालयहरु समान प्रकृतिका रहनेछन् । वडा कार्यालय भवन शिलन्यास कार्यक्रममा वडा प्रतिनिधिहरु सहित सर्बसाधारणहरुको उपस्थिीती रहेको थियो ।
