भिम भुसाल, नवलपुर ।
यहि फागुन १० गते नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्ड नवलपुरको रजहरमा आउने भएका छन् । देवचुली १६ मा रहेको सामुदायिक प्राकृतिक चिकित्सालयको नवनिर्मित भवनको समुद्घाटन गर्न नेकपा अध्यक्ष प्रचण्ड नवलपुर आउने भएका हुन् ।
चिकित्सालयको १० औँ साधारण सभा एंवम् चौँथो अधिवेशनको अवशरमा गण्डकी प्रदेश, सामाजिक विकास मन्त्रालयको आर्थिक सहयोगमा निर्मित श्यामकृष्ण स्मृति भवनको दोस्रो तल्लाको समुद्घाटन गर्न अध्यक्ष प्रचण्ड प्रमुख अतिथिको रुपमा आउने भएका हुन् ।
सो अवशरमा सामुदायिक प्राकृतिक चिकित्सालयको संक्षिप्त चिनारी नामक पुस्तकको बिमोचन समेत गरिने सामुदायिक प्राकृतिक चिकित्सालयका अध्यक्ष सन्त बहादुर क्षेत्रीले जानकारी दिनुभयो ।
