छड्के निरिक्षणले बिद्युत चुहावट ८.७६ प्रतिशतमा झर्यो

मिनाक्षि कंडेल, कावासोती ।
गत बर्षको तुलनामा यो आर्थिक बर्षमा बिद्युत चुहावटमा कमि आएको छ । नेपाल बिद्युत प्राधिकरण कावासोती शाखाले दिएको जानकारी अनुसार आर्थिक बर्षको ७ महिनासम्म आईपुग्दा बिद्युत चुहावट कम भएको बिद्युत प्राधिकरण कावासोती शाखाका कार्यकारी प्रमुख मधुसुदन यादवले जानकारी दिए ।
उनका अनुसार बिद्युत चुहावट हुने मुख्य क्षेत्रहरुमा दैनिक जसो कार्यालयबाट खटिएको प्राविधिको टोलिले छड्के चेकजाँच गर्ने र बिद्युत लाईन कटान गर्ने हुदा आर्थिक बर्षमा बिद्युत चुहावट कम भएको बताए ।
यादवका अनुसार बढि मात्रामा मिटरबाट चोरी हुनेहुदा चुहावट भएका मिटरहरुलाई कार्यलयमा ल्याई चुहावट अनुसार जरिवाना तिराउने गर्दा नियन्त्रण भएको जानकारी दिए । बढि मात्रामा बिद्युत चुहावट हुने क्षेत्रमा कार्यलयले बिशेष निगरानी गर्दै आएको प्रमुख यादवले बताए । गत आर्थिक बर्षमा १२.६९ प्रतिशत रहेको बिद्युत चुहावट यो आर्थिक बर्षमा ८.७६ प्रतिशतमा झरेको छ । केन्द«ले कार्यलयलाई बिद्युत चुहावट ९.५६ प्रतिशत सम्म पुर्याउन तार्गेट गरेको कार्यलय प्रमुख यादवले जानकारी दिए ।
त्यस्तै यो आर्थिक बर्षमा बिद्युत बक्यौता समयमा नै नतिर्ने ग्राहकहरुको लाईन काटिदिने र आवश्यक जरिवाना तिराउने गर्दा अहिले बक्यौतामा समेत पहिले जस्तो झन्झटिलो नभएको बताए ।