भिम भुसाल, देवचुली ।
देवचुली नगरपालिका ९ को पक्कि सडकको समयमा मर्मत नहुदा दिनहुँ सवारी दुर्घटना हुन थालेको छ । भिमसेन स्कुलदेखि उत्तर तर्फको गोरे घुम्ति (एस मोड) बाट पश्चिम तर्फको ७ सय मिटर पक्कि सडक समयमै मर्मत नहुदा दुर्घटना बढेको हो ।
आर्थिक वर्ष २०७२-०७३ मा निमार्ण भएको पक्कि सडक अहिले गिट्टि उक्किएर दुर्घटनाको जोखिम क्षेत्रको रुपमा परिचित हुदै गएको छ । बाटो माथिको गिट्टिलाई समयमै ब्यवस्थापन गर्न सक्ने हो भने सवारी दुर्घटनामा कमि आउने स्थानियले बताएका छन् ।
देवचुली नगरपालिका वडा नम्बर ९ वडाअध्यक्ष मेख बहादुर सारुले पनि स्थानियलाई आफ्नो घर अगाडिको बाटोमा सडक बिग्रिएर उक्किएको गिट्टि सफा गरेर लैजान लगाईने वा जसले सफा गर्छ उसैलाई गिट्टि लैजान लगाउने गरि यो बर्षलाई ब्यवस्थापन गरिने जानकारी दिनुभयो । अर्को वर्ष भने सडक बोर्ड, देवचुली नगरपालिका र वडा नम्बर ९ को आर्थिक सहयोगमा उक्त बाटो मर्मत गरिने जानकारी दिनुभयो ।
