विवेक भण्डारी,नवलपुर ।
आफ्नो निजि सवारी छैन् । गन्तव्य सम्म जान सार्वजनिक यातायात नचढि सुख छैन । तर सार्वजनिक यातायातमा चढ्नु अहिले हरेक यात्रुलाई सास्ती व्यहोर्नु जत्तिकै परेको छ । सार्वजनिक यातायातमा यात्रा गर्ने अधिकाशं यात्रुहरुको एउटै गुनासो हुन्छ शिष्ट व्यवहार यातायातका स्टाफले नदर्शाउनु अनि समयमै पुग्नु पर्ने भन्दै ‘प्रतिस्प्रर्धा’ गरि हतारहतार चढाउने अनि हतारहतार ओराल्ने ।
सार्वजनिक यातायातमा पनि अझै बढि समस्या त लोकल रुटमा चल्ने सवारीमा हुने गरेको यात्रुहरु बताउछन । नारायणगढ–डण्डा, चोरमारा रुट भएर चल्ने सवारीमा यात्रुहरु बढि हैरानी खेप्नु परेको बताउछन । ‘ लोकल रुटमा चल्ने सवारीमा धेरै समस्या र यसको लागि सम्बन्धित निकायले चासो दिनु पर्ने गैडाकोट १६ अमरापुरीका हरी ज्ञवाली बताउछन । ‘लोकल बसमा चढ्यो राम्रो संग चढ्न नपाइ हुइक्याउछन’ ज्ञवालीलले बताए ।
अहिले नवलपुरमा मात्र ३ देखि चारवटा विभिन्न संघ अन्तरगतका बसहरु चल्ने गर्दछन । चौतारी यातायात, लेकबेसी यातायात, सिटीबस यो रुटमा चल्ने मुख्य सार्वजनिक बसहरु रहेका छन । आफुहरु समयमा पुग्नु पर्ने र आफु भन्दा अघि अरु बस गयो भने यात्रु आफ्नै बसमा हालिहाल्छ भन्ने मानसिकताले अहिले लोकल रुटमा चल्ने बसमा प्रतिस्प्रर्धा पनि बढ्दो रहेको छ । ‘यति प्रतिस्प्रर्धा छ की आफु ओर्लर्ने ठाउँ आयो भन्दा पनि पर पुर्याएर रोक्छन, एक्लै भएत केहि हुन्थेन बच्चा संग हुदा पनि संयमता अपनाउदैनन् ।’ नारायगढबाट दलदले यात्रा गर्दे गरेकी अर्कि दलदलेकी सुष्मा रम्तेल बताउछिन । शक्त यात्रुहरु मात्र हैन सार्वजनिक बसमा सवार गर्ने अशक्त र जेष्ठ नागरिकहरुले पनि हैरानी बेहोर्नु परेको बताउछन ।
धौलागिरि अपाङ उत्थान संस्थाका अध्यक्ष तथा अपाङता समन्वय समिति देवचुलीका सदस्य विष्णुप्रसाद काफ्लेका अनुसार लोकल रुटमा चल्ने सवारीमा अपाङलाई धेरै समस्या रहेकोे बताए । ‘हामिलाई मुख्य गरि भाडा सहुलियतमा ध्यान नदिने गरेका र अपाङलाई लक्षित गरेको सिट नपाइने समस्या छ’। अरु त अरु अपाङ देखे पछि बस नै रोक्दैन’ । भुषाल बताउछन । सरकारले जेष्ठनागरिकका लागि बनाइदिएको परिचय पत्र देखाउदा समेत सहचालकले आलटाल गर्ने गरेको जेष्टनागरिक रुमबहादुर थापाले गुनासो गरे । ‘सरकारले त परिचय पत्र बनाइदिएको छ, त्यो परिचय पत्र देखाउदा पनि आलटाल गर्ने, धेरै बोल्न पार्ने जस्ता समस्या छ’ ।
जेष्ठनागरिक थापाले बताए । यता चालकले भने आफुहरुलाई टाइम कार्ड दिएको हुन्छ टाइममा पुग्नै पर्ने हुदा कहिले काहि ढिलो भइ हालेमा यस्तो समस्या आउने गरेको स्वीकारेका छन । जिल्ला ट्राफिक प्रहरी कार्यलय नवलपुरका प्रहरी मिनबहादुर कुवँरका अनुसार जिल्लामा चल्ने सार्वजनिक बसको हकमा भने समयमा चेकजाचँ गरेको बताए । ‘हामिकहाँ अझै सम्म लोकल रुटमा चल्ने बसको विषयमा कुनै गुनासो र उजुरी आएको छैन , यस्ता उजुरी आइ हालेमा हामिल तत्काल कार्बाही गर्ने गरि काम गछौँ ट्राफिक प्रहरी कुवर बताउछन ।
उनले यात्रुलाई समस्या परे तत्काल १०० मा फोन गरि समस्या सुनाउन यात्रुलाई आग्रह समेत गरे । हतार र आफुलाई फाइदा हेर्नु भन्दा पनि बसमा सवार यात्रुहरुको सुविधालाई ध्यान दिन सके सार्वजनिक बसका विषयमा उठ्ने गुनासा केहि कम हुने थिए ।
