विवेक भण्डारी,नवलपुर ।
प्रदेश नम्बर ४ अन्तरगत नवलपुरको हुप्सेकोट गाउँपालिका–५ खानीगाउँमा रहेको फलाम खानी उत्खननका लागि पूर्वाधार निर्माण अघि बढाइएको छ । खानीसम्म सडक, बिजुली तथा अन्य आवश्यक भौतिक पूर्वाधार र्पुयाउन लागिएको धौवादी फलाम खानी लिमिटेडका अध्यक्ष सोमकान्त पौडेलले जानकारी गराए ।
खानी सम्म पूर्वाधार निर्माणका लािग खानी विभागका महानिर्देशक, उद्योग र अर्थ मन्त्रालयका सहसचिव र सडक विभागका सहसचिव सहित ५ सदस्यीय समिति समेत गठन गरेको खानी लिमिटेडका अध्यक्ष पौडेलले बताए । साढे २ वर्ष्भित्र खानीबाट फलाम उत्पादन हुने गर्ने गरि पूर्वाधारको विकासलाई पनि संगै लैजाने गरि काम हुने बताइएको छ ।
यहाँको कच्चा पदार्थमा ५८ प्रतिशतसम्म हेमटाइडेवर (फलाम निकाल्ने तत्व) भेटिएको छ । फलाम खानीका लागि ६० प्रतिशतभन्दा बढी हेमटाइडेवर उत्तम र ३० देखि ६० प्रतिशत मध्यम खालको मानिन्छ । खानीबाट करिब दुई करोड टन फलाम उत्पादन हुने अनुमान छ । खानी उत्खनन संगै गाउँको विकास हुने भन्दै सो क्षेत्रका स्थानियहरु पनि उत्साहित भएका छन ।
