देवचुलीको प्रगतिनगरमा भुमिगत विद्युत लाईन विस्तारमा स्थानियको अवरोध

भिम भुसाल, देवचुली ।
देवचुली नगरपालिकाको छत्तिस घर देखि लोकाहा पुल सम्म सञ्चालन हुदै गरेको सिंगल सर्किटको भुमिगत विद्युत्त लाईन विस्तारमा प्रगतिनगरका स्थानियले अवरोध गरेका छन् । देवचुली नगरपालिका १५ प्रगतिनगर चोकमा ढल निकासलाई वेवास्ता गरि भुमिगत विद्युत्त लाईन विस्तार गरिएको भन्दै स्थानियले काममा अवरोध गरेका हुन् ।

घर अगाडी भएर बग्ने नाला तथा ढल विद्युत्त लाईन विस्तारको क्रममा भत्किने भएकोले तत्काल ढल निकाशको आवश्यकता रहनेहँुदा नगरपालिका तथा सम्बन्धीत निकायले ध्यान नदिदासम्म काम हुन नदिने स्थानियले बताएका छन् । विद्युत्तले संरचना भत्काएर विद्युत्तको मात्रै काम गर्ने ढल निकाशको जिम्मेवारी नलिने जनाएपछी स्थानियले काममा अवरोध गरेका हुन् ।

देवचुली नगरपालिका वडा नम्बर १५ वडा अध्यक्ष हरिभक्त भट्टराईले ढल निकास तथा सडकको जिम्मेवारी सडकबोर्डले हेर्ने बताउनुभएको छ । तर सडक वोर्डले तत्काल ढल निकासमा काम गर्ने अवस्था नदेखिएको स्थानियले बताएका छन् । निरन्तर रुपमा बगिरहने ढल रोकिदा स्थानियको घर–घरमा ढल पस्ने, दुर्गन्ध फैलिने भन्दै स्थानियले ब्यवस्थापनको माग गरेका छन् ।