चीनबाट ल्याइएका स्वास्थ्य सामग्रीमा अनौठो गन्ध आएपछि सेनाको स्काइ ट्रक बीच बाटोबाटै फर्कियो

काठमाडौं ।
आइतबार बिहान चीनबाट आएको स्वास्थ्य सामग्री र उपकरण बोकेर प्रदेश १ को विराटनगर र सुदूरपश्चिम प्रदेशको धनगढीका लागि उडेको नेपाली सेनाको स्काइ ट्रक एकाएक बीच बाटोबाटै फर्र्किएको छ ।
सरकारले चीनबाट ल्याएका व्यक्तिगत सुरक्षा सामग्री (पीपीई), मास्क, सेनिटाइजर लगायतका सामग्री बोकेर सेनाको ट्रक सोमबार बिहान त्रिभुवन अन्तर्राष्ट्रिय विमानस्थलबाट सुदूरपश्चिमका लागि उडेको थियो ।
तर, विमानमा लोड गरिएका सामानबाट एक प्रकारको गन्ध (राग) आएको र उक्त रागका कारण चालक दलका सदस्यहरुले अप्ठेरो महसुस गरेपछि सेनाको स्काई ट्रक सामान नपुर्‍याइ बीच बाटोबाटै काठमाडौं फर्किएको हो ।
नेपाली सेनाका एक उच्च अधिकारीले सुदूरपश्चिममा सामान पुर्‍याउन गएको स्काइ ट्रक फिर्ता भएको पुष्टि गरेका छन् । यद्यपि यसबारे विस्तृत विवरण भने सार्वजनिक गरिएको छैन ।