खगेन्द्र पराजुली,
नवलपुर ।
कोरोना संक्रमणको त्रास र लकडाउनमा स्थानीयलाई अत्यावश्यक वाहेक घरवाहिर ननिस्कन भनिएकाले जनप्रतिनिधी तथा कोरोना रोकथाम वडा समन्वय समितिका सदस्य आफैले खाद्य सामग्री वडामा पुर्याएका छन् ।
देबचुली १२ का दैनिक ज्यालादारी तथा अति बिपन्न परिवारको भोक मेटाउनका लागी भोली बिहीवार बितरण गर्न लागिएको चामल, दाल र नून जीपमा लोड गर्न वडाध्यक्ष दिनानाथ भुसाल दिनेशसँगै कोरोना रोकथाम वडा समन्वय समितिका सदस्य तथा देबचुली उद्योग बाणिज्य संघका उपाध्यक्ष लोकप्रसाद भुर्तेलसँगसँगै कस्सिएका थिए ।
वडाध्यक्ष भुसालसँगै नागरीकको चुल्हो जलाउन कस्सिएका भुर्तेल स्थानीय निर्बाचनका भुसालका प्रत्यासी हुनुहन्छ । सामाजिक कार्यमा यी दुई जना वडाध्यक्ष भुसाल र उपबिजेता भुर्तेलको हातेमालोलाई स्थानीयले मुक्तकण्ठले प्रसंशा गरेका छन् ।
त्यस्तै, लकडाउनका बेला दैनिक गुजारा चलाउन मुस्किल भएका वडाका ६७ घरपरिवारका लागी ६७ केजी दाल ६७ पोका नून र ५० किलोको २१ बोरा चामल वडामा ल्याईसकेको वडाध्यक्ष भुसालले जानकारी दिनुभयो ।
वडाध्यक्ष भुसालका अनुसार वडा नम्वर १२ मा एक जना ब्यक्ति बरावर साढे ३ किलो चामल परिवार सदस्य संख्यालाई गुणन गरेर दिईने छ भने दाल तथा नून भने प्रति परिवार १ किलोको दरले बितरण गरिने बताउनुभयो ।
वहाँले खाद्य सामाग्री गाडीमै राखेर ती परिवारका घरघरमै पुगेर भीडभाड नगरी बितरण गरिने बताउनुभयो ।
