फलोअप् : स्थानियको चर्को बिरोधसँगै चौधरी उद्योग बन्द, लकडाउन नखुल्दा सम्म सञ्चालन गर्न नदिने चेतावनी

भिम भुसाल, नवलपुर ।
पूर्वी नवलपरासीको देवचुली नगरपालिकामा रहेको चौधरी उद्योग, स्थानियको चर्को बिरोधसँगै बन्द भएको छ । नेपाल सरकारले कोरोना संक्रमणको जोखिमबाट नेपाली जनतालाई बचाउन लकडाउनको घोषणा गरेको समयमा अरबपती एंवम् सांसद बिनोद चौधरीले उद्योग सञ्चालन गर्न खोजेको भन्दै स्थानियले उद्योग बन्द गराएका हुन् ।
हिजो बुधवार चौधरी उद्योग ग्रामले सुचना टाँस गरि उद्योग सञ्चालन गर्ने जनाएपछी पावर संदेश अनलाईनले “धनाढ्य बिनोद चौधरीले लकडाउन उल्लङघन गर्दै उद्योग चलाउने, करिब १५ सय श्रमिकको ज्यान जोखिममा” भन्ने शिर्षकको समाचार प्रकाशन गरेको थियो । उक्त समाचारको समर्थन गर्दै सामाजिक सञ्जालमा हजारौँ ब्यक्तिहरुले उद्योग सञ्चालन गर्न नहुने माग गरेका थिए ।
चौधरी उद्योगले चैत्र १९ गते उद्योगको मूख्य दुई द्धारमा सुचना टाँस गर्दै आज देखि उद्योग सञ्चालन हुने जानकारी गराएको थियो । उद्योगले फुजी प्लाण्ट, वाई एम प्लाण्ट, सिजनिङ प्लाण्ट र हटरुम प्लाण्ट सञ्चालन गर्ने भन्दै श्रमिक तथा कामदार कर्मचारीलाई काममा फर्किन अनुरोध गरेको हो । फुजी र वाईएम प्लाण्टमा मात्रै १३ सय ८० कामदार रहेको चौधरी उद्योग ग्राममा २२ सय भन्दा धेरै कामदार कार्यरत रहेका छन् ।
जिल्ला प्रशासन कार्यालय नवलपुरले समेत उद्योग सञ्चालन नगर्न भन्दै निर्देशन गरेको प्रमुख जिल्ला अधिकारी पिताम्बर घिमिरेले जानकारी दिनुभयो । सरकारले घरबाहिर ननिस्कन नागरिकलाई अनुरोध गरेको समयमा सांसद समेत रहेका धनाढ्य बिनोद चौधरीले सयौ कामदारलाई काममा बोलाउदा स्थानियले बाध्य भएर बिरोध गर्नुपरेकोे थानिय रोशन पौडेलले बताएका छन् ।
उद्योगले कामदारहरुका निम्ति टाँस गरेको सुचनामा श्रमिक तथा जनशक्तिको स्वास्थ्य सुरक्षाका सबै उपायहरु अपनाउदै उद्योग सञ्चालन गर्ने भनि सुचित गरेको छ । तर उद्योगका कर्मचारीले भने उद्योग भित्र चुनौतीपुर्ण अवस्थामा सबै कामदार सँगै बसेर काम गर्नुपर्ने बाध्यातमक अवस्था रहेको बताएका छन् ।

नेपाल सरकारले अतिआवश्यक खाधान्न उद्योग मात्रै सञ्चालन गर्न लगाउदा चौधरी उद्योगले चाउचाउ उत्पादन गर्न उद्योग सञ्चालन गरि सयौ श्रमिकको जिवनसँग खेलवाड गरेको स्थानिय सरकार प्रतिनिधीहरुको दाबी छ । बिश्व नै कोरोनाको जोखिममा रहेको समयमा बहुराष्ट्रिय कम्पनीको रुपमा रहेको चौधरी उद्योग ग्राम सञ्चालन गर्न खोज्नु सरकारलाई चुनौती दिनु सरह रहेको बताउदै लकडाउन पुर्ण रुपमा नखुल्दा सम्म उद्योग सञ्चालन गर्न नदिने देवचुली नगरपालिका वडा नम्बर ४ वडा अध्यक्ष गिर बहादुर थापाको दाबी छ ।
चौधरी उद्योगले प्रकाशन गरेको सुचनाको आधारमा बिहानै श्रमिकहरु उद्योग पुगेका थिए । तर स्थानियले श्रमिकहरुलाई उद्योगभित्र प्रवेश गर्न रोक लगाएपछी श्रमिकहरु घर फिर्ता भएका छन् ।
चौधरी उद्योगका प्रमुख धनाढ्य बिनोद चौधरी कोरोना संक्रमणको डरले परिवार सहित करिब १५ दिन अधिदेखि दुम्कौलीको चौधरी उद्योग ग्राम क्षेत्र भित्र बस्दै आएका छन् ।