देवचुलीको राहत बोकेको बोलेरो दुर्घटनाः ११ जना सवार; ६ घाईते, २ मध्यम

भिम भुसाल, देवचुली । देवचुली नगरपालिका ५ मृत्युङमा खाधान्न राहत बोकेको दुर्घटनाहुँदा ६ जना घाईते भएका छन् । बन्दिपुरमा खाद्यान्न लिएर जादै गरेको ना १ ज ६६७७ नम्बरको बोलेरो गाडी दुर्घटना हुदा वडा सदस्य सहित ६ जना घाईते भएका छन् ।
देवचुली वडा नम्बर ५ वडा सदस्य ४३ वर्षिय पुतलि विक, २९ वर्षिय नवु आयार्य, १९ वर्षिय संदेश गुरुङ, २२ वर्षिय शुसिल चापागाई, ५५ वर्षिय प्रेमबहादुर सिंजाली, र ३१ व्र्षिय मित्रमायाँ राई घाईते भएका छन् । जसमा वडा सदस्य पुतलि विकको अनुहारमा तथा टाउकोमा चोट लागेको छ भने मित्रमायाँ राईको खुट्टामा चोट लागेको छ ।
११ जना सवार रहेको बोलेरोमा अन्य ब्यक्ति भने सामान्य रहेको देवचुली नगरपालिका वडा नम्बर ५ वडा अध्यक्ष शिवलाल सापकोटाले जानकारी दिनुभयो । घाईते सम्पुर्णको प्राथमिक स्वास्थ्य केन्द्र दुम्कौलीमा उपचार भैरहेको छ ।
देवचुली ५ बन्दिपुरका ४० परिवारलाई खाद्यान्न वितरण गर्न गएको समुह दुर्घटनामा परेको हो । साघुँरो, उकालो बाटोमा बोलेरो चढ्न नसकेको र गाडी पछाडी हुत्तिएर ब्रेक नलाग्दा दुर्घटना भएको बोलेरोमा सवार शुसिल चापागाईले जानकारी दिनुभयो ।