नारायण शर्मा, कावासोती ।
पूर्वी नवलपरासीको सदरमुकाम कावासोतीमा विदेशबाट आएका ३ सय ४० जना सम्पर्कबाहिर छन्। भारत र अन्य देशबाट आएका ३ सय ५७ जनामध्ये १७ जना होम क्वारेन्टाइनमा बसे पनि अरु क्वारेन्टाइनको सम्पर्कमा नभएको पाइएको छ।
नगरपालिकामा बनाइएको एक सय बेडको क्वारेन्टाइन यतिबेला खाली छ। सबैभन्दा सबैभन्दा पहिले बनाइएको कुमारी निजीशैक्षिक गुठीमा रहेको २० बेडको क्वारेन्टाइनमा शुक्रबारसम्म कोही पनि बसेका छैनन्।
नगरप्रहरीले क्वारेनटाइनको निगरानी गरिरहेको वडाध्यक्ष अमृत श्रेष्ठले जानकारी दिए। १७ वटा वडा रहेको कावासोतीका सबै वडामा बढीमा ५र५ बेडको क्वारेन्टाइन बनाइएको छ।
जिल्ला प्रशासन कार्यालयका सूचना अधिकारी आनन्द भुसालले लकडाउनपछि कावासोती नगरपालिका क्षेत्रभित्र ३ सय ५७ जना भित्रिएको पुष्टि गरे। १७ जना होम क्वारेन्टाइनमा बसेको तथ्यांक प्रशासनसँग रहे पनि ३ सय ४० जना सम्पर्कमै छैनन्। विदेशवाट आउनेहरु अनिवार्यकम्तीमा१४ दिन क्वारेन्टाइनमा बस्नुपर्ने भए पनि प्रभावकारी अनुगमन नहुँदा संक्रमणको जोखिम बढेको स्थानीय बताउँछन्।
जिल्ला स्वास्थ्य कार्यालयका प्रमुख केशवप्रसाद चापागाईले धेरैजसो होम क्वारेन्टाइनमा बसेको दाबी गरे पनि उनीहरुको तथ्यांक छैन। स्वास्थ्यकार्यालयकाकर्मचारीले उनीहरुको निगरानी गरेको उनले दाबी गरे।
