भिम भुसाल, देवचुली ।
देवचुली नगरपालिका वडा नम्बर १० पृथ्वीनगरमा परालको टौवामा आगोलागी हुँदा २ वटा परालको टौवा पुर्णरुपमा जलेर नष्ट भएको छ । घरकै बालवालिकाले खेल्ने क्रममा रन बहादुर आलेको परालको टौवामा आगो लगाउदा सँगै रहेको बिष्णु आलेको परालको टौवामा समेत क्षती पुगेको छ । रन बहादुर आलेको २ विगाह क्षेत्रफलको परालको टौवा र पुरानो करिव ५ कठ्ठाको पराल सँगै विष्णु आलेको करिव १५ कठ्ठा क्षेत्रफलको पराल जलेर नष्ट भएको रनबहादुर आलेले जानकारी दिए ।
दिउसो १ः४५ बजेको समयमा भएको आगोलागीलाई कावासोती नगरपालिकाको बारुणयन्त्र, स्थानिय, नेपाल पुलिस, सशस्त्र प्रहरी लगाएतले करिव १ घण्टामा नियन्त्रणमा लिईएका थिए । प्रगतिनगर खानेपानी तथा सरसफाई उपभोक्ता संस्थाको फायर हाड्रेन्टको सहयोगमा बारुण यन्त्रमा पानि भर्ने ब्यवस्थाले आगोलाई नियन्त्रणमा लिन सहयोग पुगेको थियो । आगो नियन्त्रणमा आईसकेपछी भरपुरबाट समेत बारुणयन्त्र घटना स्थलमा आईपुगेको थियो । आगोलागीबाट करिव ६० हजार रुपैया बराबरको पराल नष्ट भएको, मानविय तथा पशु पौपायामा क्षति नभएको अस्थाई प्रहरी पोष्ट दलदलेका प्रमुख अर्जुन रानाले जानकारी दिए ।
