बिष्णु गौडेल ,कावासोती
नवलपुर जिल्लामा आरडीटी अर्थात र्यापिड डाइग्नोष्टिक टेष्ट मार्फत विदेशवाट आउनेको नमुना परीक्षण गर्ने कार्यलाई तिव्रता दिइएको छ । नवलपुरमा विदेशवाट आएका ८ सय ६० जनाको आरडीटी प्रविधि मार्फत नमुना परिक्षण कार्य सुरु गरिएको हो । सोमवार सम्म जिल्लामा १ सय ३७ जना र्यापिड डाइग्नोष्टिक टेष्ट गरिसकिएको स्वास्थ्य कार्यालय नवलपुरले जनाएको छ । सोमवार नवलपुर जिल्लामा ६९ जनाको र्यापिड डाइग्नोष्टिक टेष्ट गरिएको जिल्ला स्वास्थ्य कार्यालय नवलुरले जनाएको छ ।
परिक्षण गरिएका सवैको रिपोर्ट नेगेटिव आएको जिल्ला स्वास्थ्य कार्यालय नवलपुर प्रमुख केशव चापागाईले जानकारी दिनु भयो । सोमबार गैडाकोट नगरपालिकामा ९ जनाको , कावासोती नगरपालिकामा १३ जना , विनयी त्रिवेणी गाउपालिकामा ५ जना , हुप्सेकोट गाउपालिकामा २ जना , वुलिङटार गाउपालिकामा ३९ जना, वौदिकालि गाउपालिकामा १ जनाको आरडीटी प्रविधि मार्फत नुमुना परिक्षण गरिएको हो । यस अघि आइतवार पनि नवलपुरमा ६२ जनाको नमुना परिक्षण गरिएकोमा सवैको रिपोर्ट नेगेटिव आएको थियो । चैत्र २९ गतेदेखि सुरु भएको परीक्षणमा गैडाकोटमा मात्रै ६ जनाको परीक्षण गरिएको थियो ।
चैत्र ३० गते आइतवार गैडाकोटमा ४ जना, देवचुलीमा १५ जना, कावासोतीमा १० जना र हुप्सेकोटमा ३३ जनाको उक्त किट मार्फत कोरोना रहे नरहेको परीक्षण गरिएको थियो ।
सोमवार नवलपुरमा २९ जना ज्वरोका विरामि देखिएका छन् । जिल्लाका विभिन्न स्वास्थ्य केन्द्रमा उपचारका लागि आएका २ सय ८० जना मध्य २९ जना ज्वरोका विरामि देखिएका हुन् । नवलपुरमा सोमवार कोरोना शंकासपद विरामि भने कोहि नभेटिएको जनाइएको छ । अहिले नवलपुर जिल्लामा २६ जना क्वारेन्टाइनमा रहेका छन् ।
