सूचना प्रविधी अधिकृत सापकोटा सहित देवचुली नगरपालिका निरन्तर सुचना सम्प्रेषणमा

भिम भुसाल, देवचुली ।
यि हुन्, देवचुली नगरपालिकाका सूचना प्रविधी अधिकृत कृष्णहरी सापकोटा । नगरपालिकाको सूचना प्रविधी शाखामा कार्यरत सापकोटा कोरोना संक्रमणको यो जोखिम समयमा पनि चौबिसै घण्टा काममा अनवरत रुपमा सकृय रहेका छन् ।
नगरपालिकाले सुचना केन्द्रको स्थापना गरि अनलाईन बेस मार्फत काम गरिरहदा अधिकृत सापकोटाले नगरबासीलाई सुचनाको माध्यम मार्फत निरन्तर सुसुचित गराईरहेका छन् । दैनिक रुपमा स्वास्थ्य संस्थाको ओपिडीमा आउने ब्यत्तिहरुको अभिलेख र विदेशबाट आई होम क्वारेन्टाईनमा रहेका ब्यक्तिहरुको स्वास्थ्य अवस्था अद्यावधिक गरी प्रत्येक दिनको प्रतिवेदन संघीय मामिला तथा सामान्य प्रशासन मन्त्रालय काठमाण्डौ, सामाजिक विकास मन्त्रालय गण्डकी प्रदेश पोखरा र जिल्ला प्रशासन कार्यालय नवलपुरमा निरन्तर सुचना सम्प्रेषण गरिरहेका छन् ।
उनको यो सकृयताले सिङ्गो देवचुलीलाई नै गण्डकी प्रदेशमा उत्कृष्ट नगरपालिकाको प्रशंसा दिलाउन सफल भएको छ । कोरोना संक्रमणको अप्ठ्यारो स्थितिमा नगरको समग्र बिकास तथा जनतालाई सुरक्षित र सुसुचित बनाउन देवचुली नगरपालिकाका प्रमुख प्रशासकिय अधिकृत विष्णुप्रसाद भुसालको सकृयतामा आम नगरबासीले प्रशंसा गरेका छन् । भुसालकै सकृयतामा देवचुली नगरपालिका, सुचना र तथ्याङक सम्प्रेषण गर्न नवलपुरका पालिकाहरु मध्ये अग्रस्थानमा रहेको भन्दै प्रमुख जिल्ला अधिकारी पिताम्बर घिमिरेले समेत खुलेर प्रशंसा गरेका छन् ।
तथ्याङक संकलन र सम्प्रेषको सम्पूर्ण काम देवचुली नगरपालिकाले सूचना प्रविधी अधिकृत कृष्णहरी सापकोटा र एम.आई.एस अप्रेटर संदिप न्यौपानेलेलाई जिम्मा दिएको छ । उनिहरु दिनरात नभनी विहान ६ बजेदेखि बेलुका ८ बजेसम्म कार्यालयमै रहेर सेवा गरिरहेका छन् ।
देवचुली नगरपालिकाका सुचना अधिकारी अविनाश पन्थीले समेत अनलाईन मार्फत सुचना सम्प्रेषणमा सहयोग गर्दै आएका छन् । रातको समयमा समेत नगरभित्रको महत्वपूर्ण सुचनाप्राप्त गर्नासाथ देवचुली नगरपालिकाको हेल्लो देवचुली फेशबुक पेज र Website  मार्फत तथ्याङक अपडेट गर्ने गरेका छन् ।  देवचुली नगरपालिकाको यो सकृयता प्रशंसनिय रहेको छ ।