भिम भुसाल, देवचुली ।
पुर्वी नवलपरासीको देवचुली नगरपालिका १३ दलदले बजारबाट प्रहरीले ‘लकडाउन’को अवज्ञा गर्ने ४४ वटा सवारीका साधन नियन्त्रणमा लिएको छ । अस्थाई प्रहरी चौकि दलदले र औधोगीक सशस्त्र सुरक्षा बल देवचुलीका प्रहरीले आज दिउसो एक घण्टामा ४४ वटा सवारीलाई नियन्त्रणमा लिएको हो ।
लकडाउनको आज २३ औँ दिन चलिरहदा सरकारले घोषणा गरेको लकडाउनको उल्लङघन गर्दै बजार घुम्न निस्किएका सवारीलाई नियन्त्रणमा लिईएको अस्थाई प्रहरी पोष्ट दलदलेका प्रमुख अर्जुन रानाले बताउनुभयो ।
एक घण्टाको अवधीमा पूर्वपश्चिम राजमार्गमा गुड्ने ४४ सावरीका चालकलाई नियन्त्रणमा लिएर कोरोना सचेतना सम्बन्धी जानकारी दिएर छोडिएको छ । ३५ मोटर साईकल र ९ वटा चारपाङ्ग्रे सवारीलाई नियन्त्रणमा लिएर प्रहरीले अत्यावश्यक कामबाहेक बाहिर ननिस्कने शर्तमा सवारीको रेकर्ड राख्दै छाडिदिएको हो ।
अत्यावश्क काममा हिडेको बाहाना गर्दै लकडाउन उल्लङघन गर्ने सवारीलाई देवचुलीमा कडाई गरिएको छ । देवचुलीको रजहर, दलदले धारापानी, कैलाशचोक, गोरेघुम्ती, प्रगतिनगर लगाएतका स्थानमा प्रहरीले सवारी चेकजाँचलाई कडाई गरेको अस्थाई प्रहरी पोष्ट दलदलेले जानकारी दिएको छ ।
