भिम भुसाल, देवचुली ।
देवचुली नगरपालिकाले स्थापना गरेको खाद्यान्न बैंकमा देवचुली पर्वत समाजले हातेमालो गरेको छ । विश्वमा फैलिराखेको (कोभिड १९) कोरोना भाईरसको महामारीको समयमा विपन्न परिवारको जिवनयापनमा सहजता दिलाउन देवचुली पर्वत समाजले आर्थिक सहयोग गर्दै हातेमालो गरेको हो ।
दैनिक ज्याला मजदुरी गरी जिवनयापन गर्दै आएका विपन्न परिवारलाई लकडाउनले समस्या पारेको जनाउदै संस्थाले सधै समस्यासँग जुध्न हातेमालो गर्ने देवचुली पर्वत समाजका अध्यक्ष चोकनारायण भुसालले बताउनुभयो । देवचुली पर्वत समाज हरेक नागरिकको समस्यामासँगै सहकार्य गर्न तयार रहेको समेत भुसालले बताउनुभयो । नगरको खाद्यान्न बैंकमा ५ हजार ५ सय ५५ रूपैया सहयोग उपलब्ध गराउदै संस्थाले हरेक समय नगरको चुनौती र बिकास दुवैमा यथासक्य सहयोग गर्न तयार रहेको समेत भुसालले बताउनुभयो ।
देवचुली पर्वत समाजले प्रदान गरेको नगद सहयोग ग्रहण गर्दै देवचुली नगरपालिका प्रमुख प्रशासकिय अधिकृत विष्णुप्रसाद भुसालले सहयोगी संस्थाप्रती धन्यवाद ब्यक्त गर्नुभएको छ । संस्थाले नगरको हरेक समस्यामा सहयोग गरेको स्मरण गर्दै प्रमुख प्रशासकिय अधिकृत भुसालले यो साथ र सहयोग नगरका नागरिकले निरन्तर प्राप्त गर्नेमा आशाबादी रहेको समेत बताउनुभयो ।
