भिम भुसाल, देवचुली ।
देवचुली नगरपालिका २ निवासी मोक्ष गैह्रेले आफ्नो जन्मदिको अवशरमा खाद्यान्न सहयोग गरेका छन् । देवचुली नगरपालिकाद्धारा स्थापना गरिएको खाद्यान्न बैंकमा बिश्वज्योती माध्यमिक विद्यालयमा कक्षा ९ मा अध्यन गर्ने गैह्रेले २०० के.जी. चामल नगरपालिकालाई सहयोग गरेका हुन् ।
आफ्नो जिवनको खाद्यान्न सहयोग पहिलो सामाजिक कार्य भएको जनाउदै गैह्रेले सधै विपन्न परिवारको साथमा रहेर अघि बढ्ने प्रेरणा मिलेको समेत बताउनुभएको छ । जन्मदिनको खुशियालीमा गरिने फजुल खर्च भन्दा विपन्नको सहयोगमा गरिने सहकार्यले पुण्य मिल्ने जनाउदै हरेक ब्यक्तिलाई जन्मदिनको अवशरमा सानो भएपनि सहयोग गर्न समेत गैह्रेले अनुरोध गर्नुभएको छ ।
सहयोग खाद्यान्न ग्रहण गर्दै देवचुली नगरपालिका प्रमुख प्रशासकिय अधिकृत विष्णुप्रसाद भुसालले सानो उमेरको युवकमा देखिएको जोस र जाँगरले आफूँमा थप उर्जा प्राप्त भएको बताउनुभयो । सहयोगी गैह्रेका बुवा कृष्णराज गैह्रे र आमा अस्मिता गैह्रेलाई समेत धन्यवाद दिदै अधिकृत भुसालले सत्कर्म सिकाउने बिद्यालयका गुरुहरुप्रती आभार प्रकट गर्नुभएको छ ।
