७२ दिनपछि हुप्सेकोटले पायो नयाँ प्रशासकीय अधिकृत

नारायण शर्मा, नवलपरासी ।

पूर्वी नवलपरासीको हुप्सेकोट गाउपालिकामा सरुवा भएर आएका नयाँ प्रमुख प्रशासकीय अधिकृत कृष्ण सापकोटालाई आइतवार हाजिर हुन दिएर काममा लगाइएको छ । यसअघि ७२ दिन पहिला त्यहा सरुवा भएर आएका प्रमुख प्रशासकीय अधिकृत ज्ञान प्रसाद पनेरुलाई नेकपाको नेता भन्दै गाउपालिका अध्यक्ष लक्ष्मी पाण्डेले हाजिर हुन दिएकी थिइनन ।
उनी हाजिर हुन नपाएरै ७२ दिनपछि हुप्सेकोटवाट आइतवार बिदा भए । पनेरु मन्त्रालयमा सरुवा भएका छन । पाल्पाको तिनाउ गाउपालिकावाट हुप्सेकोटमा सरुवा भएका पनेहरुले गाउपालिकामा हाजिर हुन आउनु अघि गाउपालिका नजिकै रहेको नेकपाको कार्यालयमा पुगेर अबिर जात्रा गरेको आरोप लगाइएको छ ।
गाउपालिकामा प्रमुख प्रशासकिय अधिकृतको जिम्मेवारीमा आएका पनेरुले गाउपालिकामा हाजिरहुनु अगावै नेकपाको कार्यालयमा कार्यकर्ता भेटघाट गरेर अबरिजात्रा गरेको भन्दै काँग्रेस भित्र विरोध भएको थियो । उनले आफु नेकपा रहेको र पार्टी निर्देशन अनुसार हुप्सेकोट गाउपालिकामा काम गर्ने भन्दै मुठी उचालेको सूइको पाएपछि गाउपालिका अध्यक्ष लक्ष्मी पाण्डेले कार्यलयमा हाजिर गर्न नदिएकी स्रोतले जनाएको छ ।
पनेरु नेकपा निकट कर्मचारी संगठनका केन्द्रीय सदस्य समेत रहेका ब्यक्ति हुन । प्रमुख अधिकृतलाई काम गर्न नदिदा त्यहा बिकास निमार्णको काम ठप्प थियो र कोरोना संक्रमण शुरु भएपछि स्थानीयलाई गाउपालिकाबाट वितरण हुने राहतमा पनि ढिलाइ भएको थियो । पनेरुलाई हुप्सेकोट आउनु अघि पश्चिम नवलपरासीको पाल्हीनन्दन गाउपालिकामा पनि हाजिर हुन दिइएको थिएन ।
त्यसपछि उनी गत माघ २६ गते हुप्सेकोटमा सरुवा भएर आएका थिए । पनेरुलाई पाल्हीनन्दनमा पनि हाजिर नगरी बिदा गरिएको थियो । यस पटक उनि मन्त्रालयमा तानिएका हुन ।
हुप्सेकोटमा गाउपालिका अध्यक्ष सहित बहुमत नेपाली कांग्रेसको छ । पाण्डे कांग्रेसमा पनि कडा मिजासकी भनेर चिनिन्छिन । त्यस अघि त्यहा कार्यरत प्रमुख प्रशासकिय अधिकृत लिलावल्लभ न्यौपाने गत फागुन १६ गते सरुवा भएर मन्त्रालय गएपछि उनको स्थानमा पनेरु आएका थिए । पाण्डे लिलाबल्लभलाई नै थमौति गर्न मन्त्रालय घाएको धायै थिइन ।

पनेरुलाई २ महिनासम्म गाउपालिकाले काममा नलगाएपछि स्थानिय बिकास मन्त्रालयका पछि प्रमुख प्रशासकिय अधिकृत विहिन रहेको गाउपालिकामा आइतवार देखि सापकोटा हाजिर भएर काम शुरु गरेका हुन । पनेरु हरेकदिन हुप्सेकोट गाउपालिकाको कार्यालयमा आएर काम नगरि बदाम खाएर समय काटन बाध्य थिए । आइतवार कार्यलयमा अँएका सापकोटालाई अध्यक्ष पाण्डेले फुलमाला र अबिर लगाएर स्वागत गरेकी हुन । सापकोटा आइतवार नै हाजिर भएर काम थालेका छन । नया हाजिर भएका सापकोटाले हुप्सेकोट गाउपालिकालाई नमुना गाउपालिका वनाउने अध्यक्षको संकल्पलाई आफुले सघाउने दावी गरेका छन । हुप्सेकोट गाउपालिकामा अध्यक्ष र उपाध्यक्ष दुबै महीला छन । अध्यक्ष कांग्रेस र उपाध्यक्ष नेकपाबाट बिजयी भएकी हुन ।