भिम भुसाल, देवचुली ।
देवचुली नगरपालिकाले नगरभित्र रहेका ५ स्वास्थ्य संस्थालाई पुन प्रयोगमा ल्याउन सकिने पिपिई सहितका स्वास्थ्य सामाग्री बितरण गरेको छ । नगरपालिकाले स्वास्थ्यकर्मिको सुरक्षालाई पहिलो प्राथमिकतामा राखेको जनाउदै त्रासमा समेत दिनरात स्वास्थ्य सेवा दिईरहेका स्वास्थ्यकर्मिलाई स्वास्थ्य सुरक्षाका सामाग्री बितरण गरेको हो ।
देवचुली नगरपालिकाले दुम्कौली प्राथमिक स्वास्थ्य केन्द्र, देवचुली स्वास्थ्य चौकी, प्रगतिनगर स्वास्थ्य चौकी, रजहर स्वास्थ्य चौकी र शहरी स्वास्थ्य केन्द्र झाक्रेमा पुन प्रयोगमा ल्याउन सकिने (रि–युजएवल) पिपिई २० थान, थर्मल गन ४ थान, एन ९५ माक्स २० थान, सर्जिकल माक्स एक हजार थान, हेड क्याप, युटिलिटी ग्लोब्स, गम बुट, लिक्युड सोप तथा स्प्रे सोप बितरण गरेको देवचुली नगरपालिका स्वास्थ्य शाखा प्रमुख रामकुमार श्रेष्ठले बताउनुभयो ।
श्रेष्ठका अनुशार दुम्कौली प्राथमिक स्वास्थ्य केन्द्रमा रि–युजएवल पिपिई १२ थान, हेड क्याप १ सय थान (पिस), युटिलिटी ग्लोब्स २ थान, एक सेट गम बुट, एक लिटर लिक्युट सोप, स्प्रे सोप बितराण गरिएको छ भने अन्य ४ स्वास्थ्य संस्थामा ३–३ थान पिपिई, ६ सय थान ग्लोब्स, २०–२० थान हेड क्याप, एक–एक थान थर्मल गर्न बितरण गरिएको छ । नगरभित्रको कुनैपनी स्वास्थ्य संस्थामा अब थर्मल गनको अभाव नभएको र हरेक वडामा सबै नगरबासीको ज्योरो नाप्न सकिने समेत श्रेष्ठले बताउनुभयो ।
