भिम भुसाल, देवचुली ।
पूर्वी नवलपरासीको देवचुली नगरपालिकामा रहेका श्रमजिवी पत्रकार एंव संचारकर्मीहरुलाई नगरभित्रका विभिन्न संघ संस्थाले पोशाक सहितका स्वास्थ्य सामाग्री वितरण गरेका छन् । बिश्वसँगै नेपालमा बढ्दै गरेको कारोना संक्रमणको जोखिम न्युनिकरणमा नगरभित्रको देवचुली उद्योग वाणिज्य संघ, प्रगतिनगर खानेपानी तथा सरसफाई उपभोक्ता संस्था, जागृती बाल तथा युवा सरोकार नेपाल लगाएतका संस्थाले प्रेश जकेट, एन ९५ माक्स, सेनिटाईजर, पञ्जा, सर्जिकल माक्स लगाएतका सामाग्री देवचुली नगरपालिकामार्फत बितरण गरेका हुन् ।
देवचुली उद्योग वाणिज्य संघद्धारा १२ संचारकर्मीलाई प्रेश जकेट, प्रगतिनगर खानेपानि तथा सरसफाई उपभोक्ता संस्थाद्धारा सेनिटाईजर, पञ्जा, सर्जिकल माक्स उपलब्ध गराईएको थियो भने जागृती बाल तथा युवा सरोकार नेपालद्धारा १५ एन् ९५ माक्स बितरण गरिएको छ । साथै देवचुली नगरपालिकाले कोरोना संक्रमणको जोखिम समयमा काममा खटिएका नगरभित्रका संचारकर्मीलाई आउँदो आईतवार आरडिटी परिक्षण गर्ने समेत देवचुली नगरपालिका प्रमुख प्रशासकिय अधिकृत विष्णुप्रसाद भुसालले बचन दिनुभएको छ । लकडाउनको समयमा मिडियाले खेलेको भुमिकाको प्रशंसा गर्दै अधिकृत भुसालले संचारकर्मीलाई आवश्यक पर्ने हरेक किशिमका सहयोग गर्न नगरपालिका तयार रहेको समेत बताउनुभयो ।
स्वास्थ्य सुरक्षा सामाग्री बितरण गर्दै प्रगतिनगर खानेपानी तथा सरसफाई उपभोक्ता संस्थाका अध्यक्ष खिमानन्द भुसालले संचारकर्मीको योगदानलाई सम्मान गर्दै हर समय ब्यक्तिगत र संस्थागत रुपमा सहयोग गर्न तयार रहेको स्पष्ट पार्नुभएको छ । बाचौँ र बचाँऊ भन्ने मन्त्रलाई आत्मसाथ गर्दै काममा खटिन समेत भुसालले आग्रह गर्नुभएको छ ।
संचारकर्मीलाई पहिचान पोशाक स्वरुप प्रेश जकेट बितरण गर्दै देवचुली उद्योग वाणीज्य संघका उपध्यक्ष सत्यनारायण भुसालले संचारकर्मीलाई सुरक्षित राख्ने जिम्मेवारी सम्पुर्ण ब्यक्ति तथा संस्थाको भएको जिकिर गर्नुभयो । संचारकर्मीले दिने सुचना र समाचारको भरमा बिश्व समुदाय रहिरहेकोले संचारकर्मिलाई सहज र सुरक्षित बातावरणमा समाचार संकलनमा हिड्न सहयोग गर्नुपर्ने बताउनुभयो ।
पोशाक सहितको स्वास्थ्य सुरक्षा सामाग्री बितरण कार्यक्रममा देवचुली नगरभित्रका संचारकर्मीको सहभागिता रहेको थियो ।
