पहिरोका कारण भिमफेदी सडक खण्ड हिजोदेखी अवरुद्ध

रामचन्द्र मोक्तान, मकवानपुर 

मकवानपुरको भिमफेदी गाउँपालिकाको सडक खण्डमा पहिरो गएको छ ।  भिमफेदी गाउँपालिकाको वडा नं ६ को चिसापानी गढी नजिक हिजो दिउँसो पहिरो गएको हो।

पहिरोका कारण सवारी साधन आवागमनमा समस्या हुनुका साथै भिमफेदी कुलेखानी सडक निर्माणको कार्यलाई पनि असर परेको छ ।कोरोना भाईरसको संक्रमणले गर्दा सरकारले गरेको लकडाउनको समयमा पनि सडक निर्माण कार्यलाई निरंतरता दिएकोमा बर्षाका कारण पहिरो गएपछि समस्या भएको मोतिदान कन्ट्रक्सनका साइड मेनेजर एस के कार्कीले जानकारी दिए ।

पहिरोलाई बिस्तारै पन्छाएर सडक निर्माण कार्यलाई निरन्तरता दिने साइड मेनेजर कार्कीले बताए ।