देवचुलीमा लकडाउनको समय अबैध खनिज ओसारपसार तिब्र, दुईदिनमा ८ ट्याक्ट्रर नियन्त्रणमा

भिम भुसाल, देवचुली ।

लकडाउनको समय देवचुली नगरपालिका क्षेत्रमा अबैध खनिज (ढुङ्गा, गिट्टी) ओसार पसार गर्ने क्रम बढ्दै गएको छ । हिजो र आज मात्रै देवचुलीमा अबैध ओसारपसार गर्दै गर्दा ८ वटा ट्याक्ट्रर ढुङ्गा, गिट्टी सहित समातिएका छन् ।

देवचुली ट्याक्ट्रर ब्यवसायी समितिले ढुङ्गा, गिट्टी सहितका ट्याक्ट्रर नियन्त्रण लिएर नगरपालिकामा बुझाएको छ । डण्डा खोलाबाट अबैध उत्खनन् गरि ल्याउदै गरेका र स्टकका ढुङ्गा अबैध ढुवानी गर्दै गर्दा नगरक्षेत्रभित्रबाट ति ट्याक्ट्रर नियन्त्रणमा लिईएका हुन् । जसमध्य ३ ट्याक्ट्ररलाई कानुनी कारवाही पछि छोडिएको छ भने ५ वटा ट्याक्ट्रर नगरपालिकाको नियन्त्रणमा रहेका छन् ।

पक्राउ पर्नेमा लु ३ त ४६५५, ना ५ त ६७४२, लु ४ त ४६८८, लु ४ त २४४०, ना ३ त ६०५९ नम्बरका ट्याक्ट्रर रहेका छन् । हिजो समातिएका ना ६ त ५५३०, लु ३ त ३५६१ र ना ४ त ७०९ नम्बरको तिन वटा ट्याक्ट्ररलाई कानुनी कारवाही पछि छाडिएको छ ।