मजदुरको पिडाः ५ सय किलोमिटर पैदल हिडेर नवलपुर, अझै हिड्नु छ २५० कि.मि.

भिम भुसाल, नवलपुर ।

सरकारले लकडाउन घोषणा गरेको डेढ महिना बितिसक्दा पनि पैदल हिडेर घर फर्किने मजदुर रोकिएका छैनन् । ओखलढुङ्गामा हाईड्रोपावरमा काम गर्ने ४ मजदुर ५ दिन लगाएर नवलपुर आईपुगेका छन् । उनिहरु पैदल नै हिडेर बर्दिया पुग्ने आशामा हिडिरहेका छन् ।

‘मर्नु नै छ एक दिन परिवारकै साथमा मर्नुपाए खुशि मिल्थ्यो त्यसैले सकिनसकि हिडिरहेका छौ ।’ पैदलयात्री देवीप्रसाद बिकले गुनासो गरे ।
‘करिव ५ सय किलोमिटर त पार गरिसक्यौ अब २५० किलोमिटर जति हिड्नु छ । पैदल हिड्नुको पिडा त छ नै मानिसहरु डराएर पानि समेत पिउन पाईएन, घरहरु भएको ठाउमा सुत्दा त्यहाका मान्छे डराउछन्, जंगलमा सुत्दा लामखुट्टेको टोकाई उत्तिकै छ ।’ गहभरी आँशु राख्दै देवीले सुनाए ।
‘सवारीको ब्यवस्था मिलाउन प्रहरीलाई आग्रह गर्दा माथिको आदेश छैन भन्छन् ट्रक ड्राईभरले डराएर कोरोना सर्छ भन्दै गाडी रोक्न मान्दैनन् । हाम्रो पिडा कस्ले सुन्ने।’ पैदलयात्रीले गुनासो गरे ।