रामचन्द्र मोक्तान, मकवानपुर ।
जेठ १ गते (आज) बाट मकवानपुरको हेटौंडामा लकडाउनलाई कडाई गरिएको जिल्ला प्रशासन कार्यालय मकवानपुरले जनाएको छ ।
अटो तथा मोटरसाइकल संचालनमा पनि रोक लगाईएको छ भने बजारमा खाद्यान्न ,ग्यास बाहेकका अन्य पसलहरु संचालन गरेको पाइएमा कडा कारबाही गरिने भएको छ । नेपालमा कोरोना भाइरसको संक्रमण बढेपछि मकवानपुरमा लकडाउनलाई कडा पारिएको हो ।
जेठ १ गतेबाट खाद्यान्न तथा ग्यास पसल बिहान ६ बजे देखि ९ बजे सम्म मात्र संचालन गर्न दिने भएको छ भने तरकारी , माछा मासु पसल समेत बन्द गरिने भएको छ ।
