४ जेठ, काठमाडौं ।
नेपालमा कोरोना भाइरस (कोभिड-१९) बाट दोस्रो व्यक्तिको पनि मृत्यु भएको पाइएको छ । बाकेको क्वारेन्टाइनमा मृत्यु भएका २५ वर्षीय पुरुषको कोरोना पोजेटिभ आएको हो ।
जिल्ला स्वास्थ्य कार्यालय बाँकेका फोकल पर्सन नरेश श्रेष्ठका अनुसार नैरानपुरस्थित दिपेन्द्र मावि भोजभगवानपुर क्वारेन्टिनमा राखिएका २५ बर्षिय युवकको आज विहान पौने ७ बजेतिर मृत्यु भएको हो ।
मृत्यु भएका ब्यक्तिको स्वाब हिजो नै संकलन भइसकेको श्रेष्ठले बताउनुभयो । उनी गत बैशाख ३० गते भारतबाट आएर क्वारेन्टाइनमा बस्दै आएका थिए । उनलाई आज विहान ३ बजेतिर वान्तासँगै ज्वरो आएको थियो । उपचारका लागि उनलाई सदरमुकाम नेपालगन्ज ल्याउने तयारी भइरहेकै बेला मृत्यु भएको श्रेष्ठले जानकारी दिनुभयो । उनको कोरोनाबाटै मृत्यु भएको स्वस्थ्य मन्त्रालयले पुष्टि गरेको छ ।