नवलपुरको देवचुली माइती भएकी महिलामा कोरोना संक्रमण

नवलपुर ।

नवलपुरको देवचुली नगरपालिकामा माईती भएकी एक महिलामा कोरोना संक्रमण पुष्टि भएको छ । आज मंगलवार २७ जना नयाँ संक्रमित भेटिएसँगै नवलपरासीका थप एक जनामा संक्रमण देखिएको स्वास्थ्य तथा जनसंख्या मन्त्रालयले पुष्टि गरेको थियो ।

नवलपरासी २ जिल्लामा बिभाजन भएपछि बनेका पुर्बी र पश्चिमी जिल्ला मध्ये संक्रमित कुन जिल्लाको हो भनेर नखुल्दा यहाँ त्रास फैलिएको थियो ।

संक्रमित महिलाको स्थायी घर बुटवल भए पनि नागरिकतामा नवलपरासी रहेको बुझिएको छ । स्रोतका अनुशार उनको माइत देबचुली अनि घर रुपन्देही र अहिले उनी काठमाडौं रहेको बुझिएको छ । ती संक्रमितको नमुना काठमाण्डौ स्थित राष्ट्रिय जनस्वास्थ्य प्रयोगशालामा परीक्षण भएको हो ।

अहिले उनलाई काठमाण्डौमै रहेकाले त्यहीवाट सम्पर्कमा लिएर अस्पताल लैजाने तयारी भैरहेको बुझिएको छ । यसअघि नवलपुरका एक जनामा जेठ १ गते कोरोना पुष्टि भएको थियो । देबचुली १२ का नवलपुरका पहिलो संक्रमितको भरतपुररस्थित कोररोना अस्थायी अस्पतालको आईशोलेशनमा छन् ।

योसँगै नवलपुरका २ जनामा कोभिड १९ भाईरस संक्रमण फेला परेको छ ।