नवलपुर ।
देवचुली नगरपालिका वडा नम्बर २ मा माईती घर भएकी २४ वर्षिय युवतीमा कोरोना भाईरस (कोभिड –१९) पोजेटिभ देखिएसँगै उक्त क्षेत्र शिल गरिएको छ । रुपन्देहिबाट एक हप्ता सम्म माईति घर बसेर बैशाख २९ गते काठमाण्डौ गएकी युवतीमा कोरोना भाईरस पुष्टि भएसँगै वडा नम्बर २, शान्ती टोल सँगै १ देखि ५ नम्बर वडा सम्मका वडा सिल गरिएको हो ।
स्वास्थ्य निर्देशनालय गण्डकी प्रदेश सरकारको प्रेस बिज्ञप्ती अनुशार संक्रमित युवती बैशाख १९ गते देखि बैशाख २९ गते(१० दिन) सम्म देवचुली २ मा रहेको माईती घरमा बसेकी थिईन । २९ गते बिहान श्रिमानसँग मोटरसाईकलमा काठमाण्डौ गएकी युवतीको जेठ ५ गते काठमाण्डौ स्थित राष्ट्रिय जनस्वास्थ्य प्रयोगशालामा स्वाब परिक्षण गर्दा पोजेटिभ रिपोर्ट आएको थियो ।
उक्त माईती परिवारका सदश्यको कोरोना परिक्षण नगर्दासम्म देवचुली २ मा उच्च सर्तकताका अपनाईने र शिल कायम नै रहने देवचुली नगरपालिका प्रमुख प्रशासकिय अधिकृत बिष्णुप्रसाद भुसालले बताउनुभयो ।
काठमाण्डौमा नै आईसोलेसनमा उपचाररत रहेको बताईएको छ । यसअघि पहिलो संक्रमित नवलपुरको देबचुली १२ का ४९ वर्षिय पुरुषको भरतपुररस्थित कोरोना अस्पतालको आईशोलेशनमा उपचार भैरहेको छ । योसँगै नवलपुरका २ जनामा कोभिड –१९ भाईरस संक्रमण फेला परेको छ ।
