भिम भुसाल, देवचुली ।
पुर्वी नवलपरासीको देवचुली नगरपालिका वडा नम्बर २ का १२ ब्यक्तिको स्वाब परिक्षण रिपोर्ट नेगेटिभ आएको छ । आज भरतपुर कोरोना अस्पतालमा लगिएका १२ ब्यक्तिको स्वाब रिपोर्ट नेगेटिभ आएको देवचुली नगरपालिकाले जनाएको हो ।
देवचुली वडा नम्बर २ को माईतिघरमा १० दिन बसेकी युवतीमा कोरोना पोजेटिभ देखिएपछि माईती घरका परिवार सहित छिमेकीको स्वाब परिक्षणको लागि चितवनको भरतपुर पठाईएको थियो ।
संक्रमित युवतीको आमासँगै परिवारको एक बालिकाको आरडिटी परिक्षण गर्दा समेत बिहानै नेगेटिभ रिपोर्ट आईसकेको थियो भने स्वाब समेत परिक्षणको लागि पठाईएको थियो । भरतपुर अस्पतालले दिएको जानकारी अनुशार आज परिक्षणका लागि पठाईएको सबै रिपोर्ट नेगेटिभ आएको देवचुली नगरपालिका स्वास्थ्य शाखा प्रमुख रामकुमार श्रेष्ठले पावर संदेशलाई बताउनुभयो ।
१० दिन सम्म माईतिघरमा बसेर काठमाण्डौ गएकी २४ वर्षिय युवतीमा कोरोना भाईरस (कोभिड –१९) पोजेटिभ देखिएसँगै देवचुलीका ५ वटा वडा ५ दिन सम्मका लागि सिल गरिएको छ ।