नवलपुर ।
नवलपरासी बर्दघाट सुस्ता पुर्व नवलपुरमा थप एक जनमा कोरोना पोजेटिभ पुष्टी भएको छ । भरतपुर कोभिड–१९ परीक्षण प्रयोगशालामा बिहिवार गरिएको परिक्षणमा नवलपुर बिनयि त्रिवेणी गाउपालिका एक पुरुषमा कोरोना पोजेटिभ पुष्टी भएको हो ।
बिनयी त्रिबेणी गाउँपालिका वडा नम्वर ६ का ४५ बर्षका पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले पुष्टि गरेको छ । संक्रमित ती ब्यक्ति जेठ १ गते भारतवाट आएका थिए । भारतबाट आएका ती ब्यक्ति बिनयीत्रिबेणी ६ ले खडा गरेको एक बिद्यालयको क्वारेन्टाईनमा बसेका थिए । पछि उनमा ज्वरो लगायतका लक्षण देखिएपछि ७ गते बुधबार चोरमारा प्राथमिक स्वास्थ्य केन्द्रको आईशोलेशनमा राखिएको थियो ।
आज शुक्रवार बिहानै ४ बजे संक्रमित ब्यक्तिलाई भरतपुरस्थित कोरोना अस्थायी अस्पताल पुर्याईसकिएको जिल्ला स्वास्थ्य कार्यालय नवलपुरका प्रमुख केशवप्रसाद चापागाईले बताउनुभयो । योसँगै नवलपुर ठेगाना भएका संक्रमितको संख्या ३ पुगेको छ ।
नवलपुरमै स्वाव संकलन गरी परीक्षणका लागी पठाउँदा कोरोना पुष्टि भएका यि पहिलो संक्रमित हुन् । यसअघिका यहाँका २ जना आफै चितवन र काठमाण्डौमा परीक्षण गर्दा संक्रमित पुष्टि भएका थिए ।
