कावासोती ।
नबिल बैंकले आफ्ना ग्राहकहरुको माग र हितलाई मध्यनजर गर्दै नविल जेनएन एकाउण्ट योजना अघि सारेको छ । बैंकले विश्वव्यापी रुपमा फैलिएको कोभिड १९ महामारीको समयमा आफ्नो ग्राहकहरुको हित तथा आवश्यकतालाई मध्यनजर गर्दै यस्तो योजना अघि सारेको एक प्रेस बिज्ञप्ती जारी गर्दै प्रष्ट पारेको छ । नविलले स्वस्थ्य एवम सुरक्षित कारोबारको सुविधा प्रदान गर्ने उद्देश्यले बिधुतिय प्रणालीलाई प्रोत्साहन गर्दै यो योजना संचालनमा ल्याएको बैंकका करपोरेट कम्यूनिकेशन युनिटका समन लामा थिङ्गले बताए ।
यसमा ग्राहकहरुले घरबाटनै खाता खोल्न सक्छन् । यो आकर्षित ब्याज सहितको सुविधा सम्पन्न बचत खाता भएको बैंकका कावासोती शाखा प्रवन्धक सन्नकिुमार रावलले बताए । यसमा थुप्रै प्रबिधिमैत्री सेवाहरु जस्तै मोवाईल बैंकिंग, भाईबर बैंकिंग, अनलाईन ट्रान्जेक्सन, डेबिट कार्ड, क्रेडिट कार्ड, लगायतका सेवाहरु निःशुल्क छ ।
बैंकले आफ्ना बचतकर्ताको सुरक्षण सहिते १३ प्राणघातक रोगहरु तथा दुर्घटना बिमा सुविधा समेत प्रदान गर्ने जानकारी गराएको छ । नविल जेनएन खाता योजना नयाँ सोच र नयाँ जोस बोकेका प्रबिधिमैत्री व्यक्तिहरुलाई लक्षित गरिएको बैंकले स्पष्ट पारेको छ ।
सन् १९८४ देखि समायनुकुल सेवा प्रदान गर्दै आएको नविल बैंकको १ सय १८ शाखा, १ सय ७५ एटिएम र १५०० भन्दा बढि नबिल रेमिट एजेन्टहरु रहेको छ ।