देवचुली ।
पूर्वी नवलपरासीको देवचुली नगरपालिकामा थप एक जनामा कोरोना संक्रमण पुष्टी भएको छ । आज बुधवार देवचुली नगरपालिका वडा नम्बर ४ का ४० वर्षिय पुरुषमा कोरोना संक्रमण भएको गण्डकी प्रदेश सामाजिक विकास मन्त्रालयले पुष्टी गरेको हो ।
योसँगै नवलपरासी बर्दघाट सुस्ता पूर्वमा संक्रमितको संख्या ३५ पुगेको छ भने गण्डकी प्रदेशमा संक्रमितको संख्या १४५ पुगेको छ ।
गत २२ गते स्वाब संकलन गरेर पठाइएको ७९ जनाको स्वाब मध्ये १७ जनाको पिसिआर रिपोर्ट ७ दिन पछि आज आएको हो । जसमध्ये एक जनामा कोरोना पोजेटीभ आएको देवचुली नगरपालिका स्वास्थ्य शाखाले समेत जनाएको छ । संक्रमीत ब्यक्ति भारतबाट आएर जेठ १५ गते सिधा नेपाल माबिको क्वारेन्टाईनमा बसेका देबचुली नगर स्वास्थ्य शाखा प्रमुख रामकुमार श्रेष्ठले बताउनुभयो ।
अहिले संक्रमित पुरुषलाई नगरपालिकाले सामुदायिक प्राकृतिक चिकित्सालयको आईसोलेशनमा लैजाने तयारी भैरहेको छ । देवचुली नगरपालिकामा यो सहित संक्रमितको संख्या ६ पुगेको छ भने एक महिला निको भएर फर्किएकी छन् ।
