गजल-सरकारले टिकट दिने भयो

गजल – सरकारले टिकट दिने भयो

सरकारले टिकट दिने भयो कोरोनाको
छिमेकी संग बदला लिने भयो कोरोनाको

दुनियाँलाई झुक्याउने आर डि टी कीट किन्यो
कस कस्ले लिए फाइदा चिने भयो कोरोनाको

सरकार गीत गाउँदै छ -” कुन्नी ! के मा म भुलेँ ”
खतरा घर घरमा गाजिने भयो कोरोनाको

तमाम थिए डिग्री लिने यही बर्ष झ्याइ पार्नेहरु
सबै संग गहिरो माया गासिने भयो कोरोनाको

प्रकृति हेपेर मै हुँ सम्झन्थ्यो मान्छे आफूलाइ
मान्छे मान्छेसँग मन माझिने भयो कोरोनाको

डा. मित्र पाठक “काँचुली”

   देवचुली- ७, नवलपुर ।