सन्तोष काफ्ले, रौतहट ।
पुर्ब पश्चिम राजमार्गको रौतहट जिल्लामा पर्ने बाग्मति चन्द्रनिगाहपुर सडक खण्ड अन्तर्गत पर्ने एक लच्कामा गएराति देखिको अबिरल बर्षाका कारण आएको बाढीका कारण सवारी आवागमन बन्द भएको छ ।
चन्द्रपुर नगरपालिका वाडनं २ को जुडिबेला जंगलमा पर्ने सो लच्कामा पानीको बहाव बढेपछि रातीबाटै सवारी आवागमन बन्द भएको हो । लगातारको बर्षाका कारण लच्कामा बाढी आएपछि रातिदेखि नै सयौको संख्यामा सवारी साधन जंगलमै अलपत्र भएका छन् । बिहानबाट स्थानिय ,नेपाल प्रहरी,शसस्त्र र ट्राफिक प्रहरीको सहयोगमा बाटो खुलाउन प्रयास गरीएको भएतापनि पानीको सतह राजमार्ग भन्दा निकै उच्च भएको र अबिरल बर्षा निरन्तर हुदा उद्दारमा केही कठिनाई भएको छ ।
सो स्थानमा हरेक बर्ष बर्षायाममा बाढी आउने र सवारी साधान आवागमन बन्द हुने गरेको हुदा बर्षौनि सवारी साधन तथा यात्रुले सास्ति भोग्नुपरेको छ ।
